| e-texts navigator |
| Wylie |
364b1 འཛིན་དོན་ལས་མ་ཉམས་ཤིང་།། རེ་དོགས་གཉིས་ཀྱི་སེམས་སྤངས་ན།། དེ་ནི་ཡང་དག་གྲུབ་པའི་ལམ་དུ་འགྲོ།། རྫོགས་ཆེན་སྤྱོད་པའི་རྣལ་འབྱོར་པས།། བདུད་ཀྱི་ཆོ་འཕྲུལ་ཅི་སྟོན་ཡང་།། བྱང་ཆུབ་སེམས
364b2 སུ་ཐག་ཆོད་ན།། ཐམས་ཅད་ཆོས་ཉིད་ངོ་བོར་འགྱུར།། བདུད་ཅེས་བྱ་བ་མིང་ཡང་མེད།། ཐམས་ཅད་གཉེན་དུ་སོང་ཙམ་ན།། དགྲ་ཞེས་བྱ་བ་བཙལ་མི་རྙེད།། ཅེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག
364b3 ལས།། མི་མཐུན་སྐྱོན་གྱི་ལེའུ་སྟེ་བཅུ་བཞི་པའོ།། །། ཡང་འབྱེད་འཕྲུལ་གྱི་ལྡེ་མིག་ལས། མན་ངག་ལུས་ཚད་རྒྱུད་ཕྱི་མར་བྱས་པའོ།། དགོངས་པ་མདོར་བསྡུས་པ་ཚིག་ལེའུར་བྱས་པ་རྫོགས
364b4 སོ།། །། བཅོམ་ལྡན་འདས་བྱ་བྲལ་རྫོགས་པའི་ངང་ལ་ཕྱག་འཚལ་ལོ།། དེ་ནས་གསང་བའི་བདག་པོས་ཆོས་ཉིད་ཀྱི་ངང་ལས་བཞེངས་ཏེ། ཕྱོགས་བཅུར་ཞལ་རྣམ་པར་གཟིགས་ནས། འདི་སྐད་ཅེས་གསུངས
364b5 སོ།། ཀྱེ་སེམས་དཔའ་རྡོ་རྗེ་ཉོན་ཅིག། ཁྱོད་ལ་སོགས་པའི་འཁོར་རྣམས་ཀྱིས།། ཀུན་ཏུ་བཟང་པོའི་དོན་མཆོག་སྟེ།། ང་ཡི་དོན་འདི་རྟོགས་མི་འདྲ།། རྟོགས་མི་འདྲ་བས་ཡིད་མི་ཆེས།། ང་ཡི་དོན་འདི་རྟོགས་པར
364b6 གྱིས།། ཞེས་གསུངས་སོ།། དེ་ནས་སེམས་དཔའ་རྡོ་རྗེས་འཁོར་གྱི་ནང་ནས་ལངས་ཏེ། འདི་སྐད་ཅེས་གསོལ་ཏོ།། འཁོར་ལོས་སྒྱུར་རྒྱལ་མ་མཐོང་ན།། ཆེ་ཞིང་གཉེན་པོར་ཡིད་མི་ཆེས།། འཁོར་ལོས་སྒྱུར་རྒྱལ
iiif viewer powered by OpenSeadragon
