| e-texts navigator |
| Wylie |
364a1 མཐོང་ཤེས་རབ་གསལ།། ཆོས་ཉིད་ངང་དུ་དབྱེར་མེད་མཉམ།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཡང་དག་ལམ་དུ་ཞུགས་པ་ལ།། བདུད་ཀྱི་ཆོ་འཕྲུལ་འབྱུང
364a2 སྲིད་ན།། བདུད་ནི་རྣམ་པ་དུ་ཞིག་ཡོད།། བདུད་ཀྱི་ཆོ་འཕྲུལ་ཅི་ལྟར་སྟོན།། ཟློག་པའི་ཐབས་ནི་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ
364a3 ཆེན་པོ་ཉོན་ཅིག། བདུད་ལ་རྣམ་པ་བཞི་ཡོད་དེ།། ཉོན་མོངས་བཞི་དང་མ་རིག་འཁྲུལ།། ཕྱི་རོལ་རྐྱེན་དང་བར་ཆད་ལམ།། ཉོན་མོངས་བཞི་ཡིས་རྒྱུ་བྱས་ནས།། མ་རིག་འཁྲུལ་པའི་འབྲས་བུ་ཤར།། ཐམས་ཅད
364a4 བཟང་ངན་གཉིས་སུ་བརྟགས།། ངན་ལ་ཞེ་སྡང་སྤང་བར་འདོད།། བཟང་ལ་འདོད་ཆགས་བླང་བར་འདོད།། གཉིས་སུ་ཕྱེ་བས་གཏི་མུག་བྱུང་།། དུག་གསུམ་ནད་ཀྱི་གཅོད་སྐྲན་ཞུགས།། དེ་ཡིས་ཁམས་གསུམ
364a5 གནས་སུ་འཁོར།། བསྟན་པའི་བར་དུ་གཅོད་བྱེད་དང་།། འབྱུང་བ་མི་མཐུན་རྐྱེན་གྱི་དགྲས།། ཕྱི་རོལ་རྐུན་གྱི་བདུད་དུ་བྱེད།། བར་ཆད་ལམ་གྱི་བདུད་བསྟན་པ།། དང་པོ་སོ་སོའི་སྐྱེ་བོ་བསྐུལ།། བར་དུ་མི་མ་ཡིན
364a6 གྱི་གདོན།། ཐ་མར་རང་དང་སྡེར་བཅས་འཁོར།། བདུད་ཀྱི་སྤྱོད་ཡུལ་སྣ་ཚོགས་སྟོན།། རེ་དང་དོགས་པའི་བློ་སྐྱེས་ནས།། བདུད་ཀྱིས་བར་དུ་གཅོད་པར་འགྱུར།། ཡིད་ཆེས་གདེང་ལྡན་རྣལ་འབྱོར་པས།། ཏིང
iiif viewer powered by OpenSeadragon
