| e-texts navigator |
| Wylie |
363b1 མཉམ།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། གོལ་སྒྲིབ་སྐྱོན་དུ་ཅི་ལྟར་འགྱུར།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས
363b2 དཔའ་ཆེན་པོ་ཉོན་ཅིག། དམན་པའི་ཐེག་པ་བརྒྱད་པོ་ཡིས།། རང་རང་རྟོགས་པའི་ལྟ་བ་ཡིས།། གོང་མ་མ་མཐོང་བསྒྲིབས་པར་འགྱུར།། ལུས་ངག་ཡིད་ཀྱི་རྩོལ་བ་ཡིས།། ཐེག་པ་གོང་ནས་འོག་ཏུ་གོལ།། བལྟས
363b3 པས་བསྒྲིབས་ལ་བསྒོམས་པས་འཁྲུལ།། བསྲུངས་པས་ཉམས་ལ་བཙལ་བས་གོལ།། རྫོགས་ཆེན་ཨ་ཏི་ཡོ་ག་ནི།། རིག་པ་ཤར་བས་བསྒྲིབ་ཏུ་མེད།། ཆོས་ཉིད་བཀོལ་བ་མེད་པས་གོལ་ས་མེད།། ཅེས་གསུངས
363b4 སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། བྱིང་རྒོད་སྐྱོན་དུ་ཅི་ལྟར་འགྱུར།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན
363b5 ཅིག། དམན་པའི་ཐེག་པ་ཐམས་ཅད་ལ།། བྱིང་རྒོད་ཏིང་འཛིན་དགྲ་ཡིན་ཏེ།། བྱིང་བའི་རྒྱུ་ནི་ཕྲ་རགས་གཉིས།། བློང་བློང་པོ་དང་མུག་མུག་པོ།། ཟིང་ཟིང་པོ་དང་ལོང་ལོང་པོ།། ངལ་དུབ་གཉིས་ཀྱིས་བྱིང་བའི
363b6 རྒྱུ།། ཡུལ་གྱི་བྱ་བ་རྒོད་པའི་རྒྱུ།། བྱིང་ན་རྒོད་བྱེད་འོད་ལ་བལྟ།། རྒོད་ན་ལྷག་མཐོང་ཕུར་པར་བརྟོད།། རྫོགས་ཆེན་ཨ་ཏི་ཡོ་ག་ལ།། བྱིང་རྒོད་སྐྱོན་དུ་མི་ཕྱེ་སྟེ།། བྱིང་བ་མི་གཡོ་ཆོས་ཉིད་དང་།། རྒོད་པ་ལྷག
iiif viewer powered by OpenSeadragon
