| e-texts navigator |
| Wylie |
363a1 པ་སྟེ།། དེ་དོན་ལེགས་པར་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། གཞི་ནི་ཆོས་སྐུ་དྲི་བཅས་ཡིན།། དུས་ནི་ཐོག་མེད་དུས་ནས་འཁྲུལ།། མ་རིག
363a2 འཁྲུལ་པའི་རྒྱུ་བསྟན་པ།། ལྷན་ཅིག་རྒྱས་པའི་མ་རིག་པ།། ཕྱི་ནང་རྟོགས་པའི་རྐྱེན་གཞི་དང་།། ཡུལ་དུས་བསྐལ་པ་གསུམ་པོ་ནི།། མ་རིག་འཁྲུལ་པའི་རྒྱུ་རྐྱེན་ཡིན།། འཁྲུལ་པ་རང་གི་ངོ་བོ་ནི།། ནང་དུ་ངར་འཛིན
363a3 ཕྲ་ཞིང་རློམ།། ཕྱིར་ནི་གཟུང་འཛིན་རྟོག་པ་རྒྱས།། དེ་ནི་འཁྲུལ་པའི་ངོ་བོ་ཡིན།། ལས་ཀྱི་དགེ་སྡིག་རྣམ་པ་གཉིས།། ཐོ་མི་ཐག་སྦྲུལ་སྨིག་རྒྱུ་ཆུ།། དེ་ནི་མ་རིག་འཁྲུལ་པའི་དཔེ།། དབྱེ་བ་བཟང་འཁྲུལ་ངན་འཁྲུལ
363a4 གཉིས།། ཡོད་ལུགས་རྣམ་པ་བཞི་ཡིན་ཏེ།། བདག་དང་ཡུལ་དང་གཉིས་ཀ་དང་།། འཁྲུལ་པ་རྐྱེན་ལ་ཡོད་པའོ།། ལུང་ལྡན་རྐྱེན་དང་མ་ཕྲད་ཅིང་།། ལྷག་མཐོང་ཤེས་རབ་མ་ཤར་ན།། གཏན་དུ་མི་ལྡོག་འཁྲུལ་ཡང
363a5 སྲིད།། རྐྱེན་དང་མ་ཕྲད་པར་དུ་འཁྲུལ།། འཁྲུལ་པ་ལོག་པའི་ཡོན་ཏན་ནི།། མྱ་ངན་འདས་པའི་འབྲས་བུ་ཡིན།། ཁམས་གསུམ་འཁོར་བ་མ་ལོག་སྐྱོན།། འཁྲུལ་པའི་འབྲས་བུ་བསྟན་པ་ནི།། ལས་ཀྱི་རྒྱུ་མཐུན་འགྲོ
363a6 དྲུག་ཡིན།། དེ་ནི་ཐེག་པ་ཐུན་མོང་དབང་།། རྫོགས་ཆེན་ཨ་ཏི་ཡོ་ག་ལ།། འཁྲུལ་པ་སྐྱོན་དུ་ཆེ་རྒྱུ་དང་།། ཡེ་ཤེས་རྩིས་སུ་ཆེ་རྒྱུ་མེད།། འཁྲུལ་དང་མ་འཁྲུལ་གཉིས་ཀ་ཡང་།། བྱང་ཆུབ་སེམས་ཀྱི་ངོ་བོར
iiif viewer powered by OpenSeadragon
