| e-texts navigator |
| Wylie |
362a1 འབྲིང་ལ་ལུང་བསྟན་པ།། རིན་ཆེན་གསེར་གླིང་ཕྱིན་པ་འདྲ།། ཏིང་འཛིན་ཐ་མར་གྱུར་པ་ལ།། ལུང་བསྟན་གདམས་ངག་དབོག་ན་ནི།། གསེར་གྱི་ཉག་ཟག་ཟིན་པ་འདྲ།། འདྲེན་པའི་གནས་སུ་ཉམ་མ
362a2 ང།། དེ་ནི་རྗེས་འཇུག་རྣལ་འབྱོར་དེ།། གོང་ནས་གོང་དུ་བརྟོལ་བར་འགྲོ།། ཏིང་འཛིན་རྩལ་གསུམ་མ་རྫོགས་པར།། ལུང་བསྟན་གང་དུ་རྫོགས་བྱེད་པ།། ཁ་མེད་བཟའ་བཅས་ཚོལ་བ་འདྲ།། ཤེས་རབ་ཏིང་འཛིན
362a3 མ་རྫོགས་པར།། སངས་རྒྱས་ཡིན་ཞེས་ཁས་ལེན་པ།། ནོར་བུས་རྒྱལ་པོར་ཁས་ལེན་འདྲ།། སྙིང་པོའི་དོན་དམ་མ་ཤེས་པར།། རྫོགས་ཆེན་ཨ་ཏིར་ཁས་ལེན་པ།། རང་ལ་མེད་པའི་ནོར་རྣམས་ནི།། དེ་ལ་ཡིད་སྨོན
362a4 འདིངས་པ་འདྲ།། ཤེས་རབ་ཏིང་འཛིན་མི་ལྡན་པར།། རྣལ་འབྱོར་ཡིན་ཞེས་ཁས་ལེན་པ།། བྱེའུ་ཕྲུག་གཡང་ལ་བཏང་བ་འདྲ།། ལྷ་སྲིན་དྲག་པོའི་སྲོག་འཕྲོག་པ།། སྲོག་གི་སྒོ་ལྕགས་མི་ཤེས་པར།། དྲག་པོའི
362a5 ལས་སྤྱོད་བྱེད་པ་ཡང་།། སྤྲིན་མེད་མཁའ་ལ་ཆར་སྡོད་འདྲ།། ཏིང་འཛིན་ཚད་དང་མི་ལྡན་ཞིང་།། བླ་མའི་གདམས་ངག་མ་དྲན་ན།། ཐོས་པ་མང་པོའི་བློ་སྦྱངས་ཀྱང་།། དམུས་ལོང་ལག་ཏུ་གསེར་ཕྱིན་འདྲ།། སེར
362a6 པོའི་ཕྱོགས་ཙམ་མི་ཤེས་པར།། གསེར་གྱི་སེར་པོ་གང་ལ་རྟོགས།། དོན་གྱི་ཉམས་བག་རྟོགས་མི་ནུས།། དེས་ན་བླ་མའི་གདམས་ངག་དང་།། ཏིང་འཛིན་ཐོབ་པ་ཤིན་ཏུ་གཅེས།། གདམས་པ་འབོག་པ་དངོས་དེ
iiif viewer powered by OpenSeadragon
