| e-texts navigator |
| Wylie |
361a1 གཏན་ལ་ཕབ་ནས་ནི།། གང་ལ་ཐོགས་པ་མེད་པར་སྤྱོད།། འབྲས་བུ་གཏན་ལ་ཕབ་ནས་ནི།། རྫོགས་ཆེན་ལྷུན་གྲུབ་རྩོལ་བ་ཡང་།། རྟོགས་པར་བྱེད་པའི་ལྟ་བ་ནི།། རིན་ཆེན་གཏེར་ཁུངས་རྙེད་པ
361a2 འདྲ།། ཉམས་སུ་བླངས་པའི་སྒོམ་པ་ནི།། རིན་ཆེན་ཞུན་ཁུ་བཞུས་པ་འདྲ།། ཏིང་འཛིན་ཉམས་ཀྱི་མན་ངག་ནི།། ཞུན་གྱི་དྲོད་ཚད་སྙོམས་པ་འདྲ།། མངོན་དུ་གྱུར་པའི་འབྲས་བུ་ནི།། རིན་ཆེན་ཡང་ཞུན་སྦྲམ་བུ
361a3 འདྲ།། རྣལ་འབྱོར་པ་ཡི་སྤྱོད་པ་ནི།། གླང་ཆེན་རྒྱ་མཚོར་འཇུག་པ་འདྲ།། ལྟ་བ་གཏན་ལ་མ་ཕེབས་ན།། ཚོང་པ་ལམ་རྒྱུས་མེད་པ་འདྲ།། སྒོམ་པ་གཏན་ལ་མ་ཕེབས་ན།། ལག་རྡུམ་བྲག་ལ་འཛེགས་པ་འདྲ།། སྤྱོད་པ
361a4 གཏན་ལ་མ་ཕེབས་ན།། དོན་གཉེར་ཐེ་ཚོམ་ཟ་བ་འདྲ།། འབྲས་བུ་གཏན་ལ་མ་ཕེབས་ན།། སྒོ་ང་རུལ་པའི་བྱེའུ་ཕྲུག་འདྲ།། ལྟ་བ་གཏན་ལ་ཕེབས་ཙམ་ན།། གང་ལ་ཡང་ནི་རྟོག་མི་སྐྱེ།། སྒོམ་པ་གཏན་ལ་ཕེབས
361a5 ཙམ་ན།། བློ་དངོས་མི་འབྲལ་ཐ་དད་མེད།། སྤྱོད་པ་གཏན་ལ་ཕེབས་ཙམ་ན།། རེ་དང་དོགས་པའི་བློ་མི་སྐྱེ།། འབྲས་བུ་གཏན་ལ་ཕེབས་ཙམ་ན།། རང་རིག་སེམས་ཀྱི་སྙིང་པོ་དེ།། རྩོལ་ཞིང་བསྒྲུབ་པའི་ནད་དང
361a6 བྲལ།། གང་ལ་རྟོག་པ་མི་སྐྱེ་ན།། ལྟ་བ་ཁྱུང་ཆེན་ལྡིང་བ་ཡིན།། རྟོགས་པའི་ངང་ལ་མ་ཡེངས་ན།། སྒོམ་པ་གསེར་ཕུར་བཏབ་པ་བཞིན།། གང་ལ་བླང་དོར་མི་བྱེད་ན།། སྤྱོད་པ་གླང་ཆེན་ཆུར་ཞུགས་ཡིན།། གང་ལ
iiif viewer powered by OpenSeadragon
