| e-texts navigator |
| Wylie |
360a1 བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། དཔེར་ན་དུང་ཉིད་ཡོད་པ་ན།། དེ་བཞིན་དཀར་པོ་ཡོད་པར་ངེས།། དེ་བཞིན་དཀར་པོ་ཡོད་ས་ན།། དུང་ཉིད་ཡོད་པར་ངེས་པ
360a2 མེད།། ཀུན་གཞིའི་རྣམ་ཤེས་ཡོད་ས་ན།། ཀུན་གཞི་ཆོས་ཀྱི་སྐུ་ཡང་ཡོད།། ཆོས་སྐུ་དྲི་མེད་ཡོད་ས་ན།། ཀུན་གཞིའི་རྣམ་ཤེས་ཡོད་མ་ཡིན།། རྣམ་དག་དེ་བཞིན་གཤེགས་པ་ལ།། ཀུན་གཞིའི་མིང་ཡང་མི་གྲག
360a3 གོ།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཆོས་ཀྱི་སྐུ་དང་ཀུན་གཞི་གཉིས།། གང་གིས་གང་ལ་ཁྱབ་པ་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག
360a4 པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། དཀར་པོས་དུང་ལ་ཁྱབ་མོད་ཀྱང་།། དུང་གིས་དཀར་ལ་ཁྱབ་པ་མེད།། ཆོས་སྐུས་ཀུན་གཞི་ལ་ཁྱབ་ཀྱང་།། ཀུན་གཞིས་ཆོས་སྐུར་ཁྱབ་པ་མེད།། ཅེས་གསུངས
360a5 སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཆོས་ཀྱི་སྐུ་དང་ཀུན་གཞི་གཉིས།། གཅིག་ལྡོག་གཅིག་གི་ལྡོག་མི་ལྡོག། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།
360a6 ཀྱེ་སེམས་དཔའ་ཆེན་པོ་ཉོན་ཅིག། དཔེར་ན་དཀར་པོ་ལོག་ཙམ་ན།། དེ་བཞིན་དུང་ཡང་ལོག་པར་འགྱུར།། དུང་ལོག་ཙམ་ན་དཀར་མི་ལྡོག། ཆོས་སྐུ་ལོག་པས་ཀུན་གཞི་ལྡོག། ཀུན་གཞིའི་རྣམ་ཤེས་ལོག་གྱུར
iiif viewer powered by OpenSeadragon
