| e-texts navigator |
| Wylie |
35b1 སོ།། བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས། སེམས་དཔའ་རྡོ་རྗེ་ལ་གདམ་ངག་ཕོག་པའི་ལེའུ་སྟེ་བཅུ་དྲུག་པའོ།། །། དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་སྐུ་གདུང་འདི་ཟུང་ཤིག
35b2 པར་གསུངས་སོ།། ཀྱེ་སེམས་དཔའ་ཆེན་པོ་འདི་ཟུང་ཞིག། སྐུ་གདུང་རིང་བསྲེལ་རྟག་འཆད་ན།། རྒྱལ་བའི་ཡང་མེས་ཀུན་བྱེད་པ་དང་མཉམ།། ཞེས་གསུངས་སོ།། དེ་ནས་སེམས་དཔའ་རྡོ་རྗེས་ཞུས་པ།། ཀྱེ་དུས
35b3 གསུམ་སངས་རྒྱས་ཀུན་གྱི་ཡང་མེས་པོ།། སྟོན་པའི་སྟོན་པ་ཀུན་བྱེད་རྒྱལ་པོ་ལགས། སྐུ་གདུང་རིང་བསྲེལ་རྟག་ཏུ་ཟུང་ཞིག་པ། སྐུ་ནི་རྒྱལ་བ་གང་དང་གང་གི་སྐུ།། གདུང་ནི་སངས་རྒྱས་གང་དང་གང་གི་གདུང་།།
35b4 རིང་བསྲེལ་ཞེས་ནི་ཇི་ལྟ་བུ་ལ་བགྱི།། ཞེས་ཞུས་སོ།། ཀྱེ་སེམས་དཔའ་ཆེན་པོ་ཉོན་ཅིག། སྐུ་ནི་ང་སྲས་རྒྱལ་བ་གསུམ་གྱི་སྐུ།། གདུང་ནི་དུས་གསུམ་རྒྱལ་བ་ང་ཡིས་སེམས། དུས་མེད་རྟག་ཏུ་སེམས་དཔའ་འདི
35b5 འཆང་ན།། དུས་གསུམ་སངས་རྒྱས་རྣམས་ཀྱི་མཆོད་པའི་རྟེན།། སྐུ་གདུང་རིང་བསྲེལ་ཞེས་ནི་དེ་ལ་བྱ། ཀྱེ་སྟོན་པའི་སྟོན་པ་ཀུན་བྱེད་རྒྱལ་པོ་ལགས།། སྐུ་གདུང་རིང་བསྲེལ་དེ་ལྟར་ལགས་ན་ཡང་། དེ་ལ་དུས
35b6 གསུམ་སངས་རྒྱས་ཇི་ལྟར་མཆོད།། མཆོད་པ་ལ་ནི་ཡོན་ཏན་ཅི་ཞིག་མཆིས།། ཞེས་ཞུས་སོ།། ཀྱེ་སེམས་དཔའ་ཆེན་པོ་ཁྱོད་ཉོན་ཅིག། ང་ཡིས་སྐུ་གདུང་རིང་བསྲེལ་དེ་ལ་ནི།། དུས་གསུམ་སངས་རྒྱས་རྟག་ཏུ་སེམས
iiif viewer powered by OpenSeadragon
