| e-texts navigator |
| Wylie |
35a1 ཡང་ནི་ང་ཡིས་བྱེད།། བསྟན་པ་ང་ཡི་རང་བཞིན་དེ་སྟོན་ལ།། འཁོར་ཡང་ང་ཡི་ངོ་བོ་དེ་ཕྱུང་ནས།། དུས་གནས་ང་ཡི་རང་བཞིན་དེ་རུ་ནི།། ཀུན་བྱེད་ང་ཡི་རང་བཞིན་བསྟན་པ་ལས།། ང་མིན་ཆོས་ནི
35a2 གཅིག་ཀྱང་བསྟན་པ་མེད།། སེམས་དཔའ་ཆེན་པོ་རྡོ་རྗེ་ཁྱོད་ཉིད་ཀྱང་། ཀུན་བྱེད་ང་ཡི་རང་བཞིན་བསྟན་པའི་ཕྱིར།། ཁྱོད་ཀྱང་ང་ལས་ང་ཡིས་ཕྱུང་བ་ཡིན།། ཀུན་བྱེད་ང་ནི་ཆོས་ཀྱི་སྙིང་པོར་ཞོག། ཀུན་བྱེད་ང་ནི
35a3 ཡེ་ནས་བྱས་ཟིན་གྱིས།། ད་གདོད་བྱ་དགོས་ཀུན་ལ་ལུང་མ་སྟོན།། ད་གདོད་བྱ་དགོས་འཁོར་ལ་ལུང་བསྟན་ན།། འཁོར་རྣམས་རྩོལ་བའི་ནད་ཀྱིས་ཟིན་པར་འགྱུར།། རང་འབྱུང་ཡེ་ཤེས་མེད་པའི་སྐྱོན་དུ
35a4 འགྱུར།། བྱང་ཆུབ་སེམས་ལ་འཆོས་པའི་སྐྱོན་དུ་འགྱུར།། དེ་བཞིན་ཉིད་ལ་འཆོས་པའི་སྐྱོན་དུ་འགྱུར།། སྐྱོན་གྱིས་ཡོན་ཏན་ཁྱད་དུ་གསོད་པར་འགྱུར།། བརྫུན་གྱིས་བདེན་པ་བསླུས་པས་བསླད་པས་ན།། མིན་པའི
35a5 རྩོལ་བས་བྱ་མེད་ཡིན་མ་སྒྲུབ།། སེམས་དཔའ་ཁྱོད་ཀྱིས་ཀུན་བྱེད་ང་རིག་གིས།། ང་ཡིས་བྱས་པའི་ཆོས་རྣམས་ཐམས་ཅད་ཀུན།། ཡེ་ནས་རང་འབྱུང་ཡེ་ཤེས་དེ་བཞིན་ཉིད།། སྟོན་གསུམ་ང་ཡི་རང་འབྱུང་ཡེ་ཤེས
35a6 ཡིན།། བསྟན་པ་གསུམ་ཡང་ང་ཡི་དེ་བཞིན་ཉིད།། འཁོར་རྣམས་ཀུན་ཀྱང་སེམས་དཔའ་རྡོ་རྗེའི་ཚུལ།། དུས་གནས་ཕུན་སུམ་ཚོགས་པ་ཐམས་ཅད་ཀུན།། ཀུན་བྱེད་རྒྱལ་པོ་ང་ཡིན་བྱང་ཆུབ་སེམས།། ཞེས་གསུངས
iiif viewer powered by OpenSeadragon
