| e-texts navigator |
| Wylie |
359b1 ཅན་མཚན་མར་འཛིན་མི་སྲིད།། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཀུན་གཞི་ཞེས་ནི་གང་ལ་བགྱི།། དེ་ཡི་མཐུན་དཔེ་ཅི་ལྟར་ལགས།། ཅི་ལྟར་སེམས་ཅན་ཐམས་ཅད
359b2 ལ།། ཆོས་སྐུས་ཁྱབ་པར་གནས་པ་ལ།། དེ་ལ་ཀུན་གཞི་ཞེས་བགྱིའམ།། མ་རིག་འཁྲུལ་པར་གནས་པ་ལ།། དེ་ལ་ཀུན་གཞི་ཞེས་བགྱིའམ།། འོན་ཏེ་དེ་དག་འདྲེས་ལ་བགྱི།། གསང་བའི་བདག་པོས་བསྟན་དུ
359b3 གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཀུན་གཞི་ཀུན་གཞི་ཞེས་བགྱི་བ།། ཐམས་ཅད་ཀུན་གྱི་གཞིར་གྱུར་པས།། དེ་ཕྱིར་ཀུན་གཞི་མིང་དུ་བཏགས།། དཔེར་ན་ས་ལ
359b4 རྙོག་མི་ཟེར།། དེ་བཞིན་ཆུ་ལ་རྙོག་མི་ཟེར།། ས་ཆུ་འདྲེས་ལ་རྙོག་མར་བཏགས།། དེ་བཞིན་སེམས་ཅན་ཐམས་ཅད་ལ།། ཆོས་སྐུས་ཁྱབ་པར་གནས་པ་ལ།། དེ་ལ་ཀུན་གཞིར་མིང་མ་བཏགས།། རྣམ་རྟོག་མཚན
359b5 མར་གནས་པ་ལ།། དེ་ལ་ཀུན་གཞིར་མིང་མ་བཏགས།། ཆོས་སྐུ་ཆུ་དང་འདྲ་བ་ལ།། བག་ཆགས་ས་འདྲས་བསླད་པ་ལ།། ཀུན་གཞི་ཞེས་ནི་མིང་དུ་བཏགས།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི
359b6 བདག་པོ་ལགས།། ཆོས་སྐུ་དྲི་མེད་ཡོད་ས་ན།། ཀུན་གཞིའི་རྣམ་ཤེས་ཡོད་དམ་མེད།། ཀུན་གཞིའི་རྣམ་ཤེས་ཡོད་ས་ན།། ཆོས་སྐུ་དྲི་མེད་ཡོད་དམ་མེད།། གསང་བའི་བདག་པོས་བསྟན་དུ་གསོལ།། གསང་བའི
iiif viewer powered by OpenSeadragon
