| e-texts navigator |
| Wylie |
359a1 སྟེ།། དེ་བཞིན་ནོར་བུ་རིན་ཆེན་ལ།། འཇིག་རྟེན་དགོས་འདོད་འབྱུང་མོད་ཀྱང་།། སངས་རྒྱས་ཆེ་ཡོན་འབྱུང་མི་སྲིད།། སེམས་ཉིད་ཡིད་བཞིན་ནོར་བུ་ལ།། སངས་རྒྱས་ཆེ་ཡོན་རྒྱུན་ཆད་མེད།། དོན
359a2 ལ་ཁྱད་པར་ཤིན་ཏུ་ཆེ།། རི་བོ་དཔེ་རུ་བསྟན་པ་ཡང་།། རི་བོ་མི་འགྱུར་བརྟན་པ་བཞིན།། བྱང་ཆུབ་སེམས་ཀྱང་འགྱུར་བ་མེད།། དེ་ཡང་ཕྱོགས་ཆ་འདྲ་བའི་དཔེ།། ཐམས་ཅད་ཀུན་ཏུ་མི་འདྲ་སྟེ།། རི་བོ་ཤིན་ཏུ
359a3 བརྟན་པ་ཡང་།། བསྐལ་པའི་རླུང་གིས་འཇིག་པར་འགྱུར།། བྱང་ཆུབ་སེམས་ཀྱི་ཆོས་ཉིད་ནི།། དུས་གསུམ་འགྱུར་བ་མེད་པར་གནས།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ
359a4 ལགས།། ཆོས་ཙམ་མཚན་མར་སྣང་བ་དང་།། ཆོས་ཉིད་རང་གི་ངོ་བོ་གཉིས།། དེ་ཡི་མཐུན་དཔེ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ
359a5 ཆེན་པོ་ཉོན་ཅིག། དུང་མཐོང་དུང་ལ་བལྟས་དུས་སུ།། དུང་གི་དཀར་པོ་འཛིན་པ་ལས།། གསེར་འཛིན་སེར་པོ་སྐྱེ་མི་སྲིད།། གསེར་མཐོང་གསེར་ལ་བལྟས་དུས་སུ།། གསེར་གྱི་སེར་པོ་འཛིན་པ་ལས།། དུང་གི
359a6 དཀར་པོ་འཛིན་མི་སྲིད།། མ་རིག་འཁྲུལ་པ་ཤར་ཙམ་ན།། ཆོས་ཅན་མཚན་མར་འཛིན་པ་ལས།། ཆོས་ཉིད་ཟབ་མོ་རྟོགས་མི་སྲིད།། ལྷག་མཐོང་ཤེས་རབ་ཤར་ཙམ་ན།། ཆོས་ཉིད་ཟབ་མོ་རྟོགས་པ་ལས།། ཆོས
iiif viewer powered by OpenSeadragon
