| e-texts navigator |
| Wylie |
358b1 བླངས་པ་ཡང་།། དཔེར་ན་རྒྱ་མཚོ་ཆེན་པོ་ལས།། ཆུ་བྲན་རྣམ་པ་མང་པོ་ཡང་།། བྱུང་ཡང་རྒྱ་མཚོ་ཉིད་ལས་བྱུང་།། བྱུང་ཡང་རྒྱ་མཚོ་འགྲིབ་པ་མེད།། འདུས་ཡང་རྒྱ་མཚོ་ཉིད་དུ་འདུས།། འདུས་ཀྱང་དེ་ལ་འཕེལ་བ
358b2 མེད།། དེ་བཞིན་བྱང་ཆུབ་སེམས་ཉིད་ལ།། ཆོས་རྣམས་སྣ་ཚོགས་བྱུང་བ་ཡང་།། བྱུང་ཡང་བྱང་ཆུབ་སེམས་ལས་བྱུང་།། བྱུང་ཡང་བྱང་ཆུབ་སེམས་ལ་འགྲིབ་པ་མེད།། འདུས་ཀྱང་བྱང་ཆུབ་སེམས་སུ་འདུས།། འདུས
358b3 ཀྱང་བྱང་ཆུབ་སེམས་ལ་འཕེལ་བ་མེད།། དེ་ཡང་ཕྱོགས་ཆ་འདྲ་བའི་དཔེ།། དཔེར་ན་རྒྱ་མཚོ་ཆེན་པོ་ནི།། བསྐལ་པའི་ཆ་འགྱུར་བྱུང་ཙམ་ན།། རྒྱ་མཚོ་གཏིང་ནས་བསྐམ་པར་འགྱུར།། བྱང་ཆུབ་སེམས་ཀྱི་ཆོས་ཉིད
358b4 ནི།། བསྐལ་པར་དཀྲུགས་ཀྱང་མེད་མི་འགྱུར།། དེ་ཕྱིར་མི་མཐུན་ཁྱད་པར་ཆེ།། ནོར་བུ་དཔེ་རུ་བླངས་པ་ཡང་།། དགོས་འདོད་ཟད་མེད་དེ་ལས་བྱུང་འགྱུར་ཀྱང་།། འདམ་གྱིས་གཡོགས་ནས་སྣང་མི་ནུས།། ལེགས
358b5 པར་བྱི་དོར་བྱས་ཙམ་ན།། དགོས་འདོད་རེ་བ་ཟད་མེད་འབྱུང་།། བྱང་ཆུབ་སེམས་ཀྱི་ཆོས་སྐུ་ལ།། ཆེ་བའི་ཡོན་ཏན་འབྱུང་མོད་ཀྱང་།། རྣམ་རྟོག་མཚན་མས་བསྒྲིབས་ཙམ་ན།། ཆེ་བའི་ཡོན་ཏན་འབྱུང་མི
358b6 ནུས།། རང་བྱུང་ཡེ་ཤེས་ཆེན་པོ་ཡིན།། སེམས་ཀྱི་བྱི་དོར་ལེགས་བྱས་ནས།། རྣམ་རྟོག་ཡེ་ཤེས་ལངས་ཙམ་ན།། ཆེ་བའི་ཡོན་ཏན་ཟད་མེད་འགྱུར།། དེ་ཡང་ཕྱོགས་ཆ་འདྲ་བའི་དཔེ།། ཐམས་ཅད་ཀུན་ཏུ་མི་འདྲ
iiif viewer powered by OpenSeadragon
