| e-texts navigator |
| Wylie |
358a1 རྗེའི་དཔེ་ཡང་མ་ངེས་ཏེ།། རྡོ་རྗེ་ཕ་ལམ་དཔེ་ཡིན་ཀྱང་།། སེམས་ཉིད་རྡོ་རྗེའི་དོན་དུ་འགྲོ།། ཕྱག་མཚན་རྡོ་རྗེ་རྟགས་སུ་འགྲོ།། བཏགས་པའི་མིང་གི་རྡོ་རྗེ་ནི།། དེ་ཡི་ལུང་དུ་བསྟན་པ་མིན།། རི་བོའི
358a2 དཔེ་ནི་ཡང་མ་ངེས།། འབྱུང་བའི་རི་བོ་དཔེ་ཡིན་ཏེ།། ཆོས་ཉིད་རི་བོའི་དོན་དུ་འགྲོ།། དཔེར་ན་ནམ་མཁའི་མཚན་ཉིད་ནི།། ཕོ་མོ་མ་ཡིན་མ་ནིང་མིན།། ཁ་དོག་མ་ཡིན་དབྱིབས་མ་ཡིན།། ཕྱོགས་བཞི་དབུས་དང་བླ
358a3 འོག་མིན།། ཕྱི་ནང་མ་ཡིན་སྣང་མུན་མིན།། གཅིག་པ་མ་ཡིན་ཐ་དད་མེད།། སྐྱེ་འགག་མེད་ཅིང་འཕེལ་འགྲིབ་མེད།། སྣང་བ་མེད་པར་ཀུན་ལ་ཁྱབ།། དུས་གསུམ་འདུས་མ་བྱས་པ་ཡིན།། མེད་པ་ཡོད་པས་འགོག།
358a4 མི་བྱེད།། ཐམས་ཅད་ཀུན་གྱི་གཞི་མ་ཡིན།། བྱང་ཆུབ་སེམས་ཀྱང་དཔེ་དང་མཚུངས།། ཀུན་ནས་འདྲ་བའི་དཔེ་མེད་པས།། ཕྱོགས་ཆ་འདྲ་བའི་དཔེ་རུ་བླངས།། ནམ་མཁའ་རིག་མེད་སྟོང་པ་ཡིན།། སེམས་ནི་རིག
358a5 བཅས་སྟོང་པ་སྟེ།། དོན་ལ་ཁྱད་པར་ཤིན་ཏུ་ཆེ།། རྡོ་རྗེ་དཔེ་རུ་བསྟན་པ་ཡང་།། དུས་གསུམ་འཕོ་འགྱུར་མེད་པ་དང་།། གཉེན་པོས་བཤིག་པར་དཀའ་བ་ཡིན།། བྱང་ཆུབ་སེམས་ཀྱང་དེ་དང་མཚུངས།། དེ་ཡང
358a6 ཕྱོགས་ཆ་འདྲ་བའི་དཔེ།། ཐམས་ཅད་ཀུན་ཏུ་མི་འདྲ་སྟེ།། ཁྱི་ལུད་ལན་ཚྭ་ར་གཞོབ་རྐྱེན།། འདུས་ཤིང་ཤིན་ཏུ་འཇིག་པར་སླ།། བྱང་ཆུབ་སེམས་ལ་འཇིག་རྐྱེན་མེད།། དེ་ཕྱིར་དོན་ལ་ཁྱད་པར་ཆེ།། རྒྱ་མཚོ་དཔེ་རུ
iiif viewer powered by OpenSeadragon
