| e-texts navigator |
| Wylie |
357b1 ཡང་བྱང་ཆུབ་སེམས་ལ་སྡང་།། འདུས་ཀྱང་བྱང་ཆུབ་སེམས་སུ་འདུས།། རྫོགས་ཀྱང་བྱང་ཆུབ་སེམས་ལ་རྫོགས།། ཡིན་ཀྱང་བྱང་ཆུབ་སེམས་ཉིད་ཡིན།། བྱང་ཆུབ་སེམས་ཀྱི་ཆོས་ཉིད་དེ།། སྣང་བ་མེད་པར་ཀུན་ལ
357b2 ཁྱབ།། བཙལ་བ་མེད་པར་ལྷུན་གྱིས་གྲུབ།། བགྲོད་པ་མེད་པར་ས་རྣམས་ནོན།། བྱས་པ་མེད་པར་ལས་རྣམས་ཟིན།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། ངེས་པ་དོན་གྱི་ཡན་ལག་བསྟན་པའི
357b3 ལེའུ་སྟེ་བཅུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས། བྱང་ཆུབ་སེམས་ཀྱི་ཆོས་ཉིད་དེ།། མཐུན་པའི་དཔེ་ཡིས་མ་མཚོན་ན།། དོན་གྱི་ངོ་བོ་རྟོགས་མི་འགྱུར།། དེ་ལ་མཐུན་དཔེ་རྟོགས་མི
357b4 འགྱུར།། དེ་ལ་མཐུན་དཔེ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། བྱང་ཆུབ་སེམས་ཀྱི་མཐུན་དཔེ་ནི།། ནམ་མཁའ་རྡོ
357b5 རྗེ་རིན་པོ་ཆེ།། རྒྱ་མཚོ་དང་ནི་རི་བོ་ཐེ།། བརྡའ་བཏགས་མེང་ལ་ངེས་པ་མེད།། ནམ་མཁའི་དཔེ་ཡང་མ་ངེས་ཏེ།། དཔེ་ཡང་དོན་དུ་འགྲོ་བ་ཡོད།། འབྱུང་བ་ནམ་མཁའི་དཔེ་ཡིན་ཏེ།། ཆོས་ཉིད་ནམ་མཁའི་དོན
357b6 འགྲོ།། རྒྱ་མཚོ་དཔེ་ཡང་མ་ངེས་ཏེ།། འབྱུང་བའི་རྒྱ་མཚོ་དཔེ་ཡིན་ཏེ།། ཆོས་ཉིད་རྒྱ་མཚོའི་དོན་དུ་འགྲོ།། ནོར་བུའི་དཔེ་ཡང་མ་ངེས་ཏེ།། འཇིག་རྟེན་ནོར་བུའི་དཔེ་ཡིན་ཏེ།། ཆོས་ཉིད་ནོར་བུའི་དོན་དུ་འགྲོ།། རྡོ
iiif viewer powered by OpenSeadragon
