| e-texts navigator |
| Wylie |
356b1 ཡིན།། ཏོག་དཀར་རྩེ་ལ་ཕྱིན་པ་དང་།། རི་བོའི་རྩེ་ལ་འདུག་པ་དང་།། ཉི་ཟླ་གདན་ལ་བཏིང་བ་ནི།། ས་རྣམས་ནོན་པའི་སྔ་ལྟས་ཡིན།། གཉིད་ཀྱི་རྟོག་པ་ཆོམས་པ་དང་།། ཤིག་དང་སྲིན་བུ་མེད་པ་དང་།། ཁམས་ཀྱི
356b2 ཟས་དང་བྲལ་མོད་ཀྱང་།། དབང་པོའི་གཟི་མདངས་མི་ཉམས་ཤིང་།། གང་ལ་ཞེན་ཆགས་མི་སྐྱེ་ན།། ནང་རྟགས་ཕྱི་རུ་བྱུང་བ་ཡིན།། སྔ་རྟགས་དེ་དག་བྱུང་བ་ཡང་།། རེ་བ་མ་བསྐྱེད་ཤུགས་ལས་བྱུང་།། ཏིང་འཛིན
356b3 ཚད་དུ་བརྟན་པ་ནི།། མཚན་མར་གཡོ་བ་མེད་པ་ནི།། རྒྱ་མཚོའི་གཏིང་གི་ཆུ་བཞིན་ནོ།། རྣམ་རྟོག་གཡོ་བ་མི་འབྱུང་བ།། སྐྱེས་བུ་སྙིང་ཕྱུང་ལྟ་བུའོ།། ཏིང་འཛིན་བརྟན་པར་གྱུར་པ་ནི།། རུས་སྦལ་འཁར་གཞོང
356b4 བཅུག་པ་འདྲ།། རྣལ་འབྱོར་ཉམས་ཀྱི་དྲོད་བསྟན་པ།། ཕྱི་དང་ནང་དང་གསང་བའོ།། ལུས་ཀྱང་རས་པ་ལ་འདབ་མའམ།། ཤིང་བ་ལ་འདབ་མ་བཞིན་འགྱུར་ཏེ།། ཤིན་ཏུ་ཡང་ཞིང་ཡོད་མི་ཚོར།། འགྲོ་ན་གཡང་སར
356b5 ལྷུང་སྙམ་བྱེད།། དེ་ནི་ཕྱི་ཡི་དྲོད་དུ་བསྟན།། ཕྱི་ནང་རྒྱུ་བའི་དབུགས་དག་ཀྱང་།། རྒྱུ་བར་རང་གིས་མ་ཚོར་ན།། དེ་ནི་ནང་གི་དྲོད་དུ་བསྟན།། དཔེར་ན་རིག་མའི་འདོད་ཆགས་བཞིན།། བརྗོད་དུ་མེད་པའི་བདེ་བ
356b6 གཅིག། བགས་ཀྱི་ཉམས་སུ་མྱོང་བར་འགྱུར།། དེ་ནི་གསང་བའི་དྲོད་དུ་བསྟན།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། དྲོད་རྟགས་ཡན་ལག་གི་ལེའུ་སྟེ་དགུ་པའོ།། །། ཡང་གསོལ་པ། ཀྱེ་ཀྱེ
iiif viewer powered by OpenSeadragon
