| e-texts navigator |
| Wylie |
356a1 ཅི་ལྟར་བསྡམ་པར་བྱ།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ལྟ་བས་རྟོགས་པར་བྱེད་དུས་སུ།། བླ་མའི་གདམས་ངག
356a2 དྲན་བྱས་ནས།། རང་བྱུང་ཡེ་ཤེས་གསལ་འཕང་བསྟོད།། བསྒོམ་པ་ཉམས་སུ་ལེན་དུས་སུ།། ལྟ་བའི་སྲོག་དང་མ་བྲལ་བར།། དེ་ཡི་རླན་དང་ལྡན་པར་བྱ།། མར་མེ་འབར་བའི་རྩེ་མོའམ།། ཆུ་བོ་འབབ་པའི་རྒྱུན
356a3 བཞིན་དུ།། ཏིང་འཛིན་འབྱུང་འཇུག་མེད་པ་ཡི།། རྒྱུན་མི་ཆད་པའི་བསམ་གཏན་བྱ།། རྗེས་ཤེས་པ་ཡི་དུས་ཉིད་དུ།། བལྟ་བསྒོམ་གྲོགས་དང་ལྡན་པ་ཡིས།། དྲན་པའི་ཟག་པས་གདགས་པར་བྱ།། ཞེས་གསུངས
356a4 སོ།། ཡང་འབྱེད་འཕྲུལ་གྱི་ལྡེ་མིག་ལས། དྲན་པ་རྒྱུན་གྱི་ཡན་ལག་བསྟན་པའི་ལེའུ་སྟེ་བརྒྱད་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དྲོད་རྟགས་ཚད་ཀྱི་ཡན་ལག་གང་།། གསང་བའི
356a5 བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། རྟགས་ནི་རྣམ་པ་བཞི་ཡིན་ཏེ།། ཆུ་བོ་དག་ལས་བརྒལ་བ་དང་།། རྫིང་ཆེན་དག་ལ་ཁྲུས་བྱེད་དང་།། གཞན
356a6 གྱིས་བུམ་པས་ཁྲུས་བྱེད་རྣམས།། བག་ཆགས་སྦྱངས་པའི་སྔ་ལྟས་ཡིན།། མས་ཡར་གྱེན་དུ་འགྲོ་བ་དང་།། རིན་ཆེན་སྐས་ལ་འཛེག་པ་དང་།། ཕལ་པའི་སྐས་ལ་འཛེག་པ་ནི།། ས་རྣམས་བགྲོད་པའི་སྔ་ལྟས
iiif viewer powered by OpenSeadragon
