| e-texts navigator |
| Wylie |
355b1 སེམས་དཔའ་ཆེན་པོ་ཉོན་ཅིག། ཅི་བཞིན་པ་ལ་ཐོག་མཐའ་མེད།། འཁོར་བ་ལ་ནི་ཐོག་མཐའ་མེད།། མྱ་ངན་འདས་ལ་ཐོག་མཐའ་མེད།། མ་རིག་འཁྲུལ་པ་ལོག་པ་དང་།། རང་བྱུང་ཡེ་ཤེས་ཤར་བ་དང་།། འཁོར
355b2 འདས་གཉིས་ཀྱི་ཐོག་མཐར་གཅིག། ཅེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། གནད་བསྡུ་བའི་ལེའུ་སྟེ་དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སྣང་བ་རྐྱེན་གྱི་ཡན
355b3 ལག་གིས།། གང་དང་གང་གི་རྒྱུ་རྐྱེན་བྱེད།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། སྣང་བ་རྟེན་འབྲེལ་འཁོར་ལོ་གཉིས།། བླ་མའི
355b4 གདམས་ངག་དྲན་ཙམ་ན།། རང་བྱུང་ཡེ་ཤེས་རྒྱུ་རྐྱེན་བྱེད།། རང་བྱུང་ཡེ་ཤེས་ཆེན་པོ་དེས།། རྟོགས་པ་མངོན་དུ་གྱུར་པ་ཡིས།། བདེ་ཆེན་ཆོས་སྐུའི་རྒྱུ་རྐྱེན་བྱེད།། བླ་མའི་གདམས་ངག་མ་དྲན་ན།། མ་རིག་འཁྲུལ
355b5 པའི་རྒྱུ་རྐྱེན་བྱེད།། མ་རིག་པ་ཡི་འཁྲུལ་རྟོག་གིས།། ཁམས་གསུམ་འཁོར་བའི་རྒྱུ་རྐྱེན་བྱེད།། ཆོས་ཉིད་རང་གི་ངོ་བོ་ལ།། རྟོགས་དང་མ་རྟོགས་ཁྱད་པར་ལས།། སངས་རྒྱས་སེམས་ཅན་གཉིས་སུ་མེད།། ཅེས
355b6 གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། སྣང་བ་རྐྱེན་གྱི་ཡན་ལག་བསྟན་པའི་ལེའུ་སྟེ་བདུན་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དྲན་པ་རྒྱུན་གྱི་ཐེག་པ་ཡིས།། གང་ལ
iiif viewer powered by OpenSeadragon
