| e-texts navigator |
| Wylie |
355a1 གསུམ་སངས་རྒྱས་ཐམས་ཅད་ལ།། ཡེ་ཤེས་རྐུན་དུ་གནས་པ་ཡིན།། འགྲོ་དྲུག་སེམས་ཅན་ཐམས་ཅད་ལ།། འཁྲུལ་པ་རྒྱུན་དུ་གནས་པ་ཡིན།། ལམ་ལ་གནས་པའི་རྣལ་འབྱོར་ལ།། འཁྲུལ་དང་ཡེ
355a2 ཤེས་དུམ་བུར་གནས།། དུས་གསུམ་སངས་རྒྱས་ཐམས་ཅད་ལ།། བདེ་བ་རྒྱུན་དུ་གནས་པ་ཡིན།། ངན་སོང་རྣམ་པ་གསུམ་པོ་ལ།། སྡུག་བསྔལ་རྒྱུན་དུ་གནས་པ་ཡིན།། མཐོ་རིས་མི་དང་ལྷར་བཅས་པ།། བདེ་དང
355a3 སྡུག་བསྔལ་དུམ་བུར་གནས།། ཆོས་ཉིད་རང་གི་ངོ་བོ་ལ།། བདེ་དང་སྡུག་བསྔལ་དབྱེར་མེད་མཉམ།། ཞེས་གསུངས་སོ།། ཡང་གསོལ་པ།། ཀྱེ་ཀྱེ་གསང་བའི་བདག་པོ་ལགས།། ལྷ་ཞེས་བྱ་བ་གང་ལ་བགྱི།། འདྲེ
355a4 ཞེས་བྱ་བ་གང་ལ་བགྱི།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཡ་མ་དམ་སྲི་ལ་སོགས་པ།། མ་རྟོགས་ལོག་པའི་འདྲེ་ཡིན
355a5 ཀྱང་།། གང་གིས་རྟོགས་པ་དེ་ཡི་ལྷ།། སངས་རྒྱས་བྱང་ཆུབ་སེམས་དཔའ་ཡང་།། རྟོགས་པ་རྣམས་ཀྱི་ལྷ་ཡིན་ཏེ།། གང་གིས་མ་རྟོགས་དེ་ཡི་འདྲེ།། ཆོས་ཉིད་རང་གི་ངོ་བོ་ལ།། རྟོགས་དང་མ་རྟོགས་གཉིས་སུ
355a6 མེད།། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། འཁོར་འདས་གཉིས་ཀྱི་ཐོག་མཐའ་གང་།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་ཀྱེ
iiif viewer powered by OpenSeadragon
