| e-texts navigator |
| Wylie |
354b1 སེམས་དཔའ་ཆེན་པོ་ཉོན་ཅིག། དཔེར་ན་གཟུགས་རྣམས་སྣ་ཚོགས་ཀྱང་།། རི་རབ་ངོས་ལ་ཕྱིན་ཙམ་ན།། ཀུན་ཀྱང་གསེར་གྱི་མདོག་ཏུ་གཅིག། དཔེར་ན་ཆུ་རྣམས་ཐམས་ཅད་ཀྱང་།། རྒྱ་མཚོ་ཆེན་པོར་ཕྱིན་ཙམ
354b2 ན།། ཀུན་ཀྱང་ལན་ཚྭའི་རོ་རུ་གཅིག། དེ་བཞིན་དུས་གསུམ་སངས་རྒྱས་ཀྱང་།། མ་བཅོས་སེམས་ཀྱི་ལམ་ཞུགས་ནས།། ཆོས་སྐུ་ནམ་མཁའ་ལྟ་བུར་གཅིག། ཅེས་གསུངས་སོ།། ཡང་གསོལ་པ།། ཀྱེ་ཀྱེ་གསང་བའི
354b3 བདག་པོ་ལགས།། རྟོགས་དང་མ་རྟོགས་ཁྱད་པར་ཅི།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། རྟོགས་དང་མ་རྟོགས་ཁྱད་པར
354b4 ནི།། དམུས་ལོང་དང་ནི་གླང་ཆེན་བཞིན།། ཕྱོགས་རྟོགས་ཅི་བཞིན་ཉིད་མ་རྟོགས།། མིག་ཅན་རྣམས་ཀྱིས་ཅི་བཞིན་རྟོགས།། མ་རྟོགས་པ་དང་ལོག་པར་རྟོགས།། ཕྱོགས་ཙམ་རྟོགས་དང་ཅི་བཞིན་པ།། ལོག་པར
354b5 རྟོག་པ་མུ་སྟེགས་ཏེ།། ཉན་ཐོས་རང་རྒྱལ་མ་རྟོགས་པ།། ཐེག་པ་དྲུག་གིས་ཕྱོགས་ཙམ་རྟོགས།། རྫོགས་ཆེན་རྟོགས་པ་ཇི་བཞིན་རྟོགས།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ
354b6 ལགས།། འཁྲུལ་དང་ཡེ་ཤེས་བདེ་སྡུག་བསྔལ།། རྒྱུན་དང་དུམ་བུ་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། དུས
iiif viewer powered by OpenSeadragon
