| e-texts navigator |
| Wylie |
354a1 བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཀུན་ཏུ་བདེ་གཤེགས་སྐལ་བཟང་གིས།། འགྲོ་བ་སྣ་ཚོགས་འདུ་བ་ཡང་།། སྣ་ཚོགས་འགྲོ་རྣམས་རང་རང་གི།། ལས་འཕྲོའི་དབང་གིས
354a2 སྣང་བར་ཟད།། བདེ་གཤེགས་རྒྱལ་བ་ཐམས་ཅད་ཀྱིས།། དངོས་པོ་རྡུལ་ཡང་མི་གཟིགས་པས།། ཆེད་དུ་རྣམ་པར་མི་སྤྲུལ་ཡང་།། སེམས་ཅན་ལྟ་སྤྱོད་ཐ་དད་པས།། བདེ་གཤེགས་སྐུ་ཡང་སྣང་མཐའ་ཡས།། དེས
354a3 ན་གདུལ་བྱ་སྣ་ཚོགས་དང་།། བདེ་གཤེགས་སྒྱུ་འཕྲུལ་སྣ་ཚོགས་ཀྱང་།། འཁྲུལ་པའི་དབང་གིས་སྣང་བར་མཛད།། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པ་ཐུན་མོང་འབྲས
354a4 བུ་དང་།། རྫོགས་པ་ཆེན་པོའི་འབྲས་བུ་ལ།། དོན་ལ་ཁྱད་པར་ཡོད་དམ་མེད།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཐེག་པ་ཐུན
354a5 མོ་སངས་རྒྱས་དང་།། རྫོགས་ཆེན་འབྲས་བུའི་སངས་རྒྱས་གཉིས།། ཐུན་མོང་མཆོག་གི་དངོས་གྲུབ་སྟེ།། མི་མཐུན་ཁྱད་པར་ཤིན་ཏུ་ཆེ།། ཐུན་མོང་བསྟི་གནས་ས་ལ་གནས།། རྫོགས་ཆེན་ལྷུན་གྲུབ་ས་ལ
354a6 གནས།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དུས་གསུམ་སངས་རྒྱས་གཅིག་མི་གཅིག། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ
iiif viewer powered by OpenSeadragon
