| e-texts navigator |
| Wylie |
353b1 ཙམ་དུ་འདྲ་མོད་ཀྱང་།། མི་མཐུན་ཁྱད་པར་ཤིན་ཏུ་ཆེ།། ངོས་བཟུང་ཙམ་གྱི་ལྟ་བ་དང་།། ངོས་གཟུང་མེད་པའི་ལྟ་བ་གཉིས།། ལྟ་བ་ཙམ་དུ་འདྲ་མོད་ཀྱང་།། མི་མཐུན་ཁྱད་པར་ཤིན་ཏུ་ཆེ།། ཕྱོགས་མཚམས་འཛིན
353b2 པའི་སྙིང་རྗེ་དང་།། ཕྱོགས་རིས་མེད་པའི་སྙིང་རྗེ་གཉིས།། སྙིང་རྗེ་ཙམ་དུ་འདྲ་མོད་ཀྱང་།། མི་མཐུན་ཁྱད་པར་ཤིན་ཏུ་ཆེ།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། བརྡ་མཐུན་དོན་འཕགས་ཀྱི་ཡན
353b3 ལག་བསྟན་པའི་ལེའུ་སྟེ་ལྔ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སངས་རྒྱས་སེམས་ཅན་གཟིགས་མི་གཟིགས།། འགྲོ་དོན་ཆེད་དུ་མཛད་མི་མཛད།། གསང་བའི་བདག་པོས་བསྟན
353b4 དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། སངས་རྒྱས་སེམས་ཅན་སོ་སོ་རུ།། ཡེ་ཤེས་ཆེན་པོས་ཡོངས་མི་གཟིགས།། དེས་ན་སྙིང་རྗེ་ཅིར་མི་མཛད།། ཆོས་སྐུ་མངོན་དུ
353b5 གྱུར་ཙམ་ན།། གཟུགས་སྐུ་རྣམ་གཉིས་ཤུགས་བྱུང་ནས།། གྲོལ་ནས་གྲོལ་བའི་ལམ་ཡང་སྟོན།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སངས་རྒྱས་སེམས་ཅན་མི་གཟིགས
353b6 ན།། ཀུན་ཏུ་བདེ་གཤེགས་སྐལ་བཟང་གིས།། འགྲོ་རྣམས་སྣ་ཚོགས་སྣ་ཚོགས་ལ།། སྤྲུལ་པ་སྣ་ཚོགས་སྣ་ཚོགས་པས།། འདུལ་བ་སྣ་ཚོགས་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི
iiif viewer powered by OpenSeadragon
