| e-texts navigator |
| Wylie |
352b1 ཡན་ལག་བསྟན་པའི་ལེའུ་སྟེ་གསུམ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དམ་ཚིག་ཅེས་བྱ་ཅི་ལྟར་ལགས།། བསྲུང་བའི་ཐབས་ནི་ཅི་ལྟར་ལགས།། ཉམས་པའི་གསོ་ཐབས་ཅི་ལྟར
352b2 ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། དམ་ཚིག་དམ་ཚིག་ཅེས་བགྱི་བ།། རང་རང་རྟོགས་པའི་ལྟ་བ་སྟེ།། དེ་ལས་འདས་ན
352b3 འཚིག་པར་འགྱུར།། ས་སྟེང་ཀོ་བས་གཡོགས་འདོད་ན།། དེ་ཉིད་གཡོགས་པར་ག་ནས་ལངས།། རྐང་མཐིལ་གང་གི་ཀོ་བ་ཡིས།། ས་སྟེང་གཡོགས་དང་ཅི་མ་འདྲ།། སྡོམ་དང་དམ་ཚིག་བསྲུང་མཚམས
352b4 ཀུན།། ཐམས་ཅད་བསྲུང་བར་ག་ནས་ལངས།། ཅི་བཞིན་པ་ཡི་ཆོས་ཉིད་ལ།། མ་བཅོས་པ་ཡི་བློ་བཞག་སྟེ།། དེ་ཡི་ངང་ལ་མ་ཡེངས་ན།། དམ་ཚིག་ཐམས་ཅད་བསྲུང་བ་ཡིན།། ཉམས་ཀྱི་ཆད་པ་བྱུང་བ་ལ།། གསོ།
352b5 བའི་ཐབས་སུ་དེ་ཉིད་ཆེ།། དམན་པའི་ཐེག་པ་ཐམས་ཅད་ཀྱིས།། བསྲུང་དུ་མེད་ལ་བསྲུངས་པས་ཉམས།། མཉམ་རྫོགས་ཨ་ཏི་ཡོ་ག་ལ།། ཉམས་དང་མ་ཉམས་གཉིས་མེད་པས།། མ་ཡེངས་གསལ་བའི་ངང་དུ
352b6 བརྡལ།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། དམ་ཚིག་འཕྲུལ་གྱི་ཡན་ལག་བསྟན་པའི་ལེའུ་སྟེ་བཞི་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། བརྡ་མཐུན་དོན་གྱི
iiif viewer powered by OpenSeadragon
