| e-texts navigator |
| Wylie |
352a1 ཕྱོགས་ལྷུང་མེད་པ་དང་།། ལྷུན་གྲུབ་ཡོངས་སུ་རྫོགས་པར་འདོད།། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ས་དང་ས་ཡི་རིམ་པ་གང་།། གསང་བའི་བདག་པོས
352a2 བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། མཚན་ཉིད་སྡེ་གསུམ་ས་བསྟན་པ།། བརྒྱད་དང་བཅུ་རྣམས་སྦྱངས་ནས་ནི།། བཅུ་གཅིག་ཀུན་ཏུ་འོད་ཀྱིས།། ཐུན་མོང
352a3 སྔགས་ཀྱི་ས་བསྟན་པ།། མ་ཆགས་པདྨ་ཅན་གྱི་ས།། རྫོགས་པ་ཆེན་པོའི་ས་བསྟན་པ།། རང་བཞིན་ལྷུན་གྲུབ་མངོན་དུ་སྣང་།། དེ་ཉིད་མངོན་དུ་གྱུར་པའི་ས།། འཁོར་ལོ་ཚོགས་ཆེན་ས་རུ་འདོད།། ཅེས་གསུངས
352a4 སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པ་རིམ་པར་ཕྱེ་བ་ཡི།། འབྲས་བུ་ཐོབ་ཚུལ་ཇི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ
352a5 སེམས་དཔའ་ཆེན་པོ་ཉོན་ཅིག། ལ་ལ་དགྲ་བཅོམ་འབྲས་བུ་ཡིན།། ཟུང་བཞི་ཡ་བརྒྱད་གོ་འཕང་ཐོབ།། ལ་ལ་བསེ་རུ་ལྟ་བུ་སྟེ།། ལ་ལ་སྐུ་གསུམ་ཡེ་ཤེས་བཞི།། ཐུན་མོང་སྔགས་ཀྱི་འབྲས་བུ་ནི།། ཐུན་མོང་ཕྱག
352a6 རྒྱའི་རིག་འཛིན་ཐོབ།། རྫོགས་ཆེན་ཨ་ཏིའི་འབྲས་བུ་ནི།། གདོད་ནས་སྙིང་པོ་བྱང་ཆུབ་ཏུ།། ཐོབ་མེད་འབྲས་བུ་རང་ལ་སྨིན།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས། སྒོ་མོ་ཀུན་ནས་བསྡུས་པའི
iiif viewer powered by OpenSeadragon
