| e-texts navigator |
| Wylie |
351b1 འདོད་གཞུང་ཡིན།། གང་ཟག་ལ་ནི་བདག་མེད་རྟོགས།། ཕྱི་ནང་གཟུང་འཛིན་གཉིས་སུ་འདོད།། རང་རྒྱལ་འཛིན་པའི་སེམས་སུ་འདོད།། སེམས་ཙམ་ལྟ་བ་གཉིས་ཡོད་དེ།། སེམས་ཙམ་རྣམ་བཅས་ལྟ་བ་ནི།། ཕྱི།
351b2 རོལ་དཀར་དམར་ལ་སོགས་པ།། དབང་པོའི་ཡུལ་དུ་སྣང་བ་ཀུན།། སེམས་ལས་ལོགས་གཅིག་མ་ཡིན་ཞིང་།། ཤེས་པའི་བདག་ཉིད་བདེན་པར་འདོད།། རྣམ་མེད་དག་པའི་ལྟ་བ་ནི།། རྣམ་པར་ཤེས་དང་མགོ
351b3 མཉམ་དུ།། ཡང་དག་ཡོད་པ་མ་ཡིན་ཏེ།། ཤེས་པ་བདེན་ཏེ་རྣམ་པ་རྫུན་པར་འདོད།། དབུ་མའི་ལྟ་བ་མི་མཐུན་ཏེ།། ལ་ལ་བདེན་པ་གཉིས་སུ་འདོད།། ལ་ལ་རང་རིག་འོད་གསལ་འདོད།། ལ་ལ་དག་གི་བལྟ་བ
351b4 ནི།། ཆོས་ཉིད་སྟོང་པ་ནམ་མཁར་འདོད།། ལ་ལ་རབ་ཏུ་མི་གནས་པར།། སེམས་དང་སེམས་ལས་བྱུང་བའི་ཆོས།། ཡེ་ཤེས་རྒྱུན་ཆད་ལྟ་བར་འདོད།། གསང་སྔགས་ཐུན་མོང་ལྟ་བ་ནི།། དོན་དམ་སྐྱེ་འགག་མེད
351b5 པར་མཐུན།། ཅུང་ཟད་ཀུན་རྫོབ་མི་མཐུན་ཏེ།། དམ་ཚིག་ཡེ་ཤེས་སེམས་དཔའ་གཉིས།། ལ་ལ་རྗེ་དང་བྲན་གྱི་ཚུལ།། ལ་ལ་དཔོན་དང་གཡོག་གི་ཚུལ།། ལ་ལ་སྤུན་དང་གྲོགས་ཀྱི་ཚུལ།། བསྐྱེད་པ་མ་ཧཱ་ཡོ་ག
351b6 ནི།། ཡེ་ཤེས་དམ་ཚིག་ཚུལ་མི་འཛིན།། རང་རྒྱུད་དག་པའི་ལྷ་རུ་འདོད།། རྫོགས་པ་ཨ་ནུ་ཡོ་ག་ནི།། མ་བསྐྱེད་རྫོགས་པའི་ལྷ་རུ་འདོད།། རྫོགས་པ་ཆེན་པོ་ཨ་ཏི་ཡོ་ག་ནི།། ཀུན་བྲལ་ཅི་མ་སྤངས་པ་དང་།། རྒྱ་ཆད
iiif viewer powered by OpenSeadragon
