| e-texts navigator |
| Wylie |
351a1 ནི།། གོང་གི་བསྲུང་མཚམས་སྟེང་དུ་ནི།། ལུང་གཅིག་ཆུ་ལ་མི་བཏུང་ཞིང་།། ཉམས་དང་ཁ་མི་བསྲེ་བ་བསྲུང་།། རྣལ་འབྱོར་ཆེན་པོའི་བསྲུང་མཚམས་ནི།། རྩ་བའི་དམ་ཚིག་གསུམ་པོ་དང་།། ཡན
351a2 ལག་ཉི་ཤུ་རྩ་ལྔ་བསྲུང་།། ཡན་ལག་དམ་ཚིག་བསྟན་པ་ནི།། སྤང་དང་མི་སྤང་དང་དུ་བླང་།། ཤེས་དང་བསྒྲུབ་པར་བྱ་བའོ།། ཨ་ནུ་ཡོ་གའི་བསྲུང་མཚམས་ནི།། དབྱིངས་ལས་མི་འདའ་དམ་ཚིག་བསྲུང་།། ཨ་ཏི་ཡོ
351a3 གའི་དམ་ཚིག་ནི།། མེད་པ་དང་ནི་ཕྱལ་པ་དང་།། གཅིག་བུ་དང་ནི་ལྷུན་གྱིས་གྲུབ།། དེ་ཡི་དོན་ལས་འདའ་མི་བྱ།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པའི་བགྲོད་ལམ
351a4 ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། ཐེག་པའི་བགྲོད་ལམ་བསྟན་པ་ནི།། སྤང་འགེག་སྦྱང་དང་བསྒྱུར་བའི
351a5 ལམ།། ཤེས་པར་བྱེད་པའི་ལམ་དང་ལྔ།། ཞེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པ་རྣམས་ཀྱི་བལྟ་བ་གང་།། གསང་བའི་བདག་པོས་བསྟན་དུ་གསོལ།། གསང་བའི
351a6 བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཉན་ཐོས་ཐེག་པའི་ལྟ་བ་ནི།། ཆོས་ལ་བདག་མེད་མ་རྟོགས་ཏེ།། དོན་དམ་ཕྲ་རབ་རྡུལ་ཕྲན་ཆ།། ཀུན་རྫོབ་གཡག་རྔ་ནེའུ་སིང་ཚུལ།། སྡེ་པ་གཉིས་ཀྱི
iiif viewer powered by OpenSeadragon
