| e-texts navigator |
| Wylie |
350b1 ཉོན་ཅིག། ཉན་ཐོས་བདེན་བཞིའི་སྒོ་ནས་འཇུག། རང་རྒྱལ་རྟེན་འབྲེལ་སྒོ་ནས་འཇུག། མདོ་སྡེ་བདེན་གཉིས་སྒོ་ནས་འཇུག། ཀྲི་ཡ་དག་གསུམ་སྒོ་ནས་འཇུག། ཨུ་པ་ཡ་ལ་ངེས་པ་མེད།། ཡོ་ག་དག་གི་འཇུག་སྒོ
350b2 ནི།། མངོན་པར་བྱང་ཆུབ་ལྔ་སྒོ་ནས།། མ་ཧཱ་ཡོ་གའི་འཇུག་སྒོ་ནི།། ཏིང་འཛིན་རྣམ་གསུམ་སྒོ་ནས་འཇུག། རྫོགས་པ་ཨ་ནུ་ཡོ་ག་ནི།། དབྱིངས་དང་ཡེ་ཤེས་སྒོ་ནས་འཇུག། རྫོགས་ཆེན་ཨ་ཏི་ཡོ་ག་ནི།། དམིགས
350b3 མེད་དག་པའི་སྒོ་ནས་འཇུག། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པའི་བསྲུང་མཚམས་གང་དང་གང་།། གསང་བའི་བདག་པོས་བསྟན་དུ་གསོལ།། གསང་བའི་བདག
350b4 པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཉན་ཐོས་རང་རྒྱལ་བསྲུང་མཚམས་ནི།། ཉིས་བརྒྱ་ལྔ་བཅུའི་འདུལ་ཁྲིམས་ཡིན།། ཐེག་ཆེན་མདོ་སྡེའི་བསྲུང་མཚམས་ནི།། རྩ་བའི་སྡོམ་པ་ཉི་ཤུ་བསྲུང་།། བྱ
350b5 བའི་རྒྱུད་ཀྱི་བསྲུང་མཚམས་ནི།། རྩ་བ་དང་ནི་ཡན་ལག་བསྲུང་།། དེ་ཡང་ཅི་ལྟར་བསྲུང་ཞེ་ན།། དཀོན་མཆོག་གསུམ་དང་བྱང་ཆུབ་སེམས།། སྔགས་དང་ཕྱག་རྒྱ་མི་སྤང་ཞིང་།། རྡོ་རྗེ་དྲིལ་བུ་སྤང་མི་བྱ།། ལྷ་དང་བླ
350b6 མ་དེ་བཞིན་ནོ།། དེ་ནི་ཡན་ལག་དམ་ཚིག་ཡིན།། རྩ་བའི་དམ་ཚིག་ལྔ་པོ་ནི།། ཁྲི་ལ་ཉལ་བར་མི་བྱ་ཞིང་།། ཤ་མི་བཟའ་ཞིང་ཆང་མི་བཏུང་།། སྒོག་པ་ལ་ཕུག་བཟའ་མི་བྱ།། རྣལ་འབྱོར་རྒྱུད་ཀྱི་བསྲུང་མཚམས
iiif viewer powered by OpenSeadragon
