| e-texts navigator |
| Wylie |
34a1 བཅུད་ཀུན།། ཀུན་བྱེད་ང་ཡི་རང་བཞིན་མངོན་ཕྱུང་ཡིན།། འདི་ལས་གཞན་ཡིན་པ་རུ་རྟོག་བྱེད་པ།། ཀུན་བྱེད་ང་དང་ཕྲད་པའི་སྐལ་མེད་པས།། འཁོར་གྱི་དང་པོ་སྟོན་པ་སྐུ་གསུམ་གྱི།། རིམ་པས
34a2 སྦྱངས་པའི་རྒྱུ་འབྲས་ཐེག་འཁོར་ཡིན།། ཀྱེ་སེམས་དཔའ་ཆེན་པོ།། ང་ཡིས་མངོན་དུ་ཕྱུང་བ་འདི།། གཞན་མ་མངོན་དུ་ཕྱུང་བ་ཡིན།། ང་ཉིད་མངོན་དུ་ཕྱུང་བ་ཡིན།། ཆོས་ཉིད་མངོན་དུ་ཕྱུང་བ་ཡིན།། རང་སེམས
34a3 མངོན་དུ་ཕྱུང་བ་ཡིན།། མ་ནོར་མངོན་དུ་ཕྱུང་བ་ཡིན།། ངེས་པ་མངོན་དུ་ཕྱུང་བ་ཡིན།། དེ་བཞིན་མངོན་དུ་ཕྱུང་བ་ཡིན།། ཀྱེ་སེམས་དཔའ་ཆེན་པོ།། ང་ཡི་རང་བཞིན་མངོན་དུ་ཕྱུང་བ་འདིས།། ཆེ་བ་ལྔ་ཡི་སངས
34a4 རྒྱས་མངོན་དུ་ཕྱུང་བ་ཡིན།། ཆེ་བ་ལྔ་ཡི་སངས་རྒྱས་འདི་ལྟ་སྟེ།། ང་ཡི་ངོ་བོ་མངོན་དུ་ཕྱུང་བ་ནི།། སྣང་སྲིད་སྣོད་བཅུད་ང་ཡི་ཆོས་ཉིད་འདི།། ཀུན་ལ་སྣང་བས་མངོན་པར་ཕྱུང་བ་ཡིན།། བྱ་མི་དགོས་པས་ཡེ་ནས
34a5 སངས་རྒྱས་ཡིན།། རྩོལ་གྲུབ་མེད་པས་ཡེ་ནས་ཆེ་བར་བཤད།། མངོན་པར་སངས་རྒྱས་ཞེས་སུ་བཤད་པ་ཡིན།། ང་ཡི་རང་སེམས་མངོན་དུ་ཕྱུང་བ་འདི།། སྙིང་པོར་གྱུར་པས་ཀུན་གྱི་བདག་ཉིད་ཡིན།། བྱ་མི་དགོས
34a6 པས་ཡེ་ནས་སངས་རྒྱས་ཡིན།། རྩོལ་སྒྲུབ་མེད་པས་ཡེ་ནས་ཆེ་བར་བཤད།། བདག་ཉིད་ཆེན་པོ་སངས་རྒྱས་ཆེ་བར་བཤད།། མ་སྐྱེས་སྤྲོས་བྲལ་མངོན་དུ་ཕྱུང་བ་འདི།། ཡེ་ནས་གཟུང་འཛིན་བྲལ་བས་ཆོས་ཀྱི
iiif viewer powered by OpenSeadragon
