| e-texts navigator |
| Wylie |
349b1 འཕྲུལ་གྱི་བཟོ་བོ་ཡིས།། དང་པོ་ལྕགས་བཙལ་མགར་བ་བཀུག། བར་དུ་གྱོང་བཏུལ་འཐར་ཡང་བྱས།། ལྔ་གཉིས་གསུམ་དང་བཅས་པ་ཡིས།། མན་ངག་ལུས་ཚད་ལྡེ་མིག་གིས།། ངེས་པའི་གསང་སྒོ་ཕྱེ་ནས
349b2 ནི།། མི་ཟད་རིན་ཆེན་གཏེར་ཆེན་ལེན།། ཐོབ་མེད་འབྲས་བུར་རང་ལ་སྨིན།། ཞེས་གསུངས་སོ།། ཡང་འབྱེད་འཕྲུལ་གྱི་ལྡེ་མིག་ལས།། གླེང་གཞི་དང་གླེང་སློང་བའི་ལེའུ་སྟེ་དང་པོའོ།། །། དེ་ནས་སེམས་དཔའ
349b3 རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་ཀྱེ་གསང་བའི་བདག་པོ་ལགས།། ཆོས་ཉིད་བྱང་ཆུབ་སེམས་ཀྱི་དོན།། མ་བཤད་གོ་བར་མི་འགྱུར་ན།། དེ་ཡི་བཤད་ལུགས་ཅི་ལྟར་ལགས།། གསང་བའི
349b4 བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། ཁྱུང་ཆེན་གཤོག་རྫོགས་ལྟ་བུའི་བློས།། དོན་གྱི་སྤྱི་ཁོག་ཕུབ་སྟེ་བཤད།། སྟག་གི་མཆོངས་སྟབས་ལྟ་བུའི
349b5 བློས།། དཀྱུས་ཀྱི་ས་རྣམས་བཅད་སྟེ་བཤད།། རུས་སྦལ་ནུར་འགྲོས་ལྟ་བུའི་བློས།། ཡི་གེའི་འབྲུ་རྣམས་ཆོམས་པར་བཤད།། ཅེས་གསུངས་སོ།། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། དོན་གྱི་སྤྱི
349b6 ཁོག་ཅི་ལྟར་དབུབ།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། དོན་གྱི་སྤྱི་ཁོག་དབུབ་པ་ནི།། སྔོན་དུ་འགྲོ་བའི་ཡན་ལག་གིས།། ཆོས་གཏམ་རིམ་པར་དབུགས་དབྱུང
iiif viewer powered by OpenSeadragon
