| e-texts navigator |
| Wylie |
349a1 རྒྱ་གར་སྐད་དུ། ཨ་ཏི་བྷེད་ནིརྨ་ཎ་ཀུཉྩི་ཀ་ནཱ་མ། བོད་སྐད་དུ། ཡང་འབྱེད་འཕྲུལ་གྱི་ལྡེའུ་མིག་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། དེ་ནས་གསང་བའི་བདག་པོ
349a2 དེ། ཆོས་ཀྱི་དབྱིངས་ཀྱི་ཕོ་བྲང་མཁའ་ཀློང་དག་པ། རྒྱ་ཡོངས་སུ་མ་ཆད་པ་ན། འབྱེད་པ་མེད་པའི་འཁོར་གྱིས་བསྐོར། བྱང་ཆུབ་སེམས་ཀྱི་དོན་རྣམ་པར་འགྲེལ་ཞིང་དུས་གསུམ་ཅི་བཞིན་པར་བཞུགས་སོ།། དེ
349a3 ནས་སེམས་དཔའ་རྡོ་རྗེ་འཁོར་གྱི་ནང་ནས་ལངས་ཏེ། འདི་སྐད་ཅེས་གསོལ་ཏོ།། ཀྱེ་ཀྱེ་གསང་བའི་བདག་པོ་ལགས།། བདེ་བར་གཤེགས་པའི་སྙིང་པོ་འདིས།། འགྲོ་བ་ཀུན་ལ་ཁྱབ་ཅེས་པ།། འགྲོ་ཀུན་མ་གྲོལ་ཇི
349a4 ལྟར་ལགས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། ཀྱེ་སེམས་དཔའ་ཆེན་པོ་ཉོན་ཅིག། བདེ་བར་གཤེགས་པའི་སྙིང་པོ་ཡིས།། འགྲོ་བ་ཀུན་ལ་ཁྱབ་མོད་ཀྱང་།། རང
349a5 རང་བག་ཆགས་སྒྲིབ་པས་བསྒྲིབས།། སྐྱེས་བུའི་ལུས་དང་བྱད་འགྲོགས་འདྲ་མོད་ཀྱང་།། རང་གི་བྱད་མ་མཐོང་བཞིན་དུ།། སྙིང་པོ་རང་ལ་ཡོད་མོད་ཀྱང་།། རང་གི་རྣམ་པར་རྟོག་པས་བསྒྲིབས།། དེ་ཡི་ཁམས
349a6 གསུམ་འཁོར་བར་འཁོར།། ཀྱེ་སེམས་དཔའ་ཆེན་པོ་ཉོན་ཅིག། ངེས་པའི་གསང་མཛོད་ཆེན་པོ་ན།། མི་ཟད་རིན་ཆེན་གཏེར་ཡོད་ཀྱང་།། མ་རིག་ཐ་རམ་སྔོན་པོ་དམ།། དེ་འབྱེད་འཕྲུལ་གྱི་ལྡེ་མིག་སྟོར།། ཡེ་ཤེས
iiif viewer powered by OpenSeadragon
