| e-texts navigator |
| Wylie |
348b1 ཞིག། ཐེག་པ་ཐམས་ཅད་ཀྱི་དོན་སྟོན་པའི་ཕྱིར།། ཐེག་པའི་སྤྱི་ཁོག་ཅེས་བྱ་བར་ཡང་ཟུང་ཞིག། མན་ངག་གཞུང་བསྡེབས་ནས་བསྟན་པའི་ཕྱིར།། རིན་པོ་ཆེ་གསེར་གྱི་ཕྲེང་བ་ཞེས་བྱ་བར་ཡང་ཟུང་ཞིག། དགོས
348b2 དགུ་རང་ལ་ཚང་བའི་ཕྱིར།། རིན་པོ་ཆེ་སྤངས་པའི་མན་ངག་ཅེས་བྱ་བར་ཡང་ཟུང་ཞིག། མདོ་སྡེ་རྣམས་ཀྱི་མིག་སེལ་བའི་ཕྱིར། རིན་པོ་ཆེ་མིག་སེལ་ཞེས་བྱ་བར་ཡང་ཟུང་ཞིག། ཐམས་ཅད་བྱང་ཆུབ་སེམས་ཀྱི་སྣང
348b3 བར་ཤར་བའི་ཕྱིར། རང་བཞིན་དོན་ལྡན་གྱི་སྣང་བ་བཀོད་པ་ཞེས་བྱ་བར་ཡང་ཟུང་ཞིག། མན་ངག་གི་དཀའ་བ་བསྡུས་ཏེ་བཤད་པའི་ཕྱིར། རིན་པོ་ཆེ་རྒྱ་མདུད་བཀྲོལ་བ་ཞེས་བྱ་བར་ཡང་ཟུང་ཞིག། ཅེས་གསུངས
348b4 སོ།། བང་མཛོད་འཕྲུལ་གྱི་ལྡེའུ་མིག་ལས། མན་ངག་གི་དོན་ཡོངས་སུ་གཏད་པའི་ལེའུ་སྟེ་རེ་གཅིག་པའོ།། །། ལྟ་བ་ཐམས་ཅད་ཀྱི་གནད། མན་ངག་ཐམས་ཅད་ཀྱི་ཐེམ། བསྟན་པ་ཐམས་ཅད་ཀྱི་བཅུད་བཅུས
348b5 པ། དོན་མན་ངག་ལ་སྡེབས་པ། བང་མཛོད་འཕྲུལ་གྱི་ལྡེའུ་མིག་ཅེས་བྱ་བ། གསང་བའི་བདག་པོ་རྡོ་རྗེ་སེམས་དཔའ་ལ། མན་ངག་རིམ་པར་བཀོད་པའི་མདོ་རྫོགས་སོ།། ལེའུ་དྲུག་ཅུ་གཉིས་པའོ།། རྒྱལ་པོའི
348b6 མཛོད་ན་གང་ཡོད་པ།། རྒྱལ་པོ་ཉིད་ལས་གཞན་གྱིས་མིན།། བང་མཛོད་ཉིད་ལས་ཅི་བསྟན་པ།། ལྡེའུ་མིག་ཉིད་ལས་གཞན་གྱིས་མིན།། ཞེས་གསུངས་སོ།། རྫོགས་སོ།། །།
iiif viewer powered by OpenSeadragon
