| e-texts navigator |
| Wylie |
348a1 པའི་ཡི་གེ་ནི།། དོན་གཅིག་གོང་དུ་རྫོགས་ནས་ནི།། གཉིས་པ་སྟོན་པའི་རྐྱེན་ཞེས་བྱ།། དེ་ཡང་ཞེས་པའི་ཡི་གེ་ནི།། གོང་དུ་བསྟན་པའི་ཡི་གེའི་དོན།། འོག་གིས་གཏན་ལ་ཕབ་སྟེ་སྟོན།། འདི་ཡང
348a2 ཞེས་པའི་ཡི་གེ་ནི།། གོང་དང་འོག་དག་མཐུན་པར་སྟོན།། ཐར་ན་པར་ན་མདོར་ན་གསུམ།། ལ་བཅད་པ་ཡི་ཡི་གེར་བཤད།། དེ་ལ་ཞེས་པའི་ཡི་གེ་ནི།། གཞི་ལ་དགར་བའི་ཡི་གེ་སྟེ།། དང་གིས་རྣམ་གྲངས་བཤད
348a3 པ་ལ།། སོགས་པ་རྣམས་ཀྱིས་སྡེ་ཚན་པས།། ཐམས་ཅད་ཀུན་ནི་ལྷག་མེད་པའོ།། བང་མཛོད་འཕྲུལ་གྱི་ལྡེའུ་མིག་ལས། ཚིག་གི་དོན་གྱི་བཤད་ལུགས་བསྟན་པའི་ལེའུ་སྟེ་དྲུག་ཅུ་པའོ།། །། དེ་ནས་གསང་བའི
348a4 བདག་པོས།། སེམས་དཔའ་རྡོ་རྗེ་ལ་འདི་སྐད་ཅེས་བཀའ་སྩལ་ཏོ།། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། མན་ངག་འདི་ཡི་མཚན་ཟུང་ཞིག། མན་ངག་འདི་ཡི་མཚན་བཟུང་ན།། ཆོས་རྣམས་ཐམས་ཅད་བཟུང་དང
348a5 མཚུངས།། ཞེས། དེ་ནས་སེམས་དཔའ་རྡོ་རྗེས་གསོལ་པ།། ཀྱེ་ཀྱེ་གསང་བའི་བདག་པོ་ལགས།། མན་ངག་དམ་པའི་ཡི་གེ་འདི།། མཚན་ཟུང་ཞིག་པར་བསྒོ་བ་དེ།། མཚན་ནི་ཅི་ལྟར་གཟུང་བར་བགྱི།། གསང་བའི
348a6 བདག་པོས་བསྟན་དུ་གསོལ།། གསུངས་པ།། སེམས་དཔའ་ཆེན་པོ་ཉོན་ཅིག། མན་ངག་འདི་ཡི་མཚན་ཉིད་ནི།། རྒྱལ་པོའི་བང་མཛོད་དང་འདྲ་བའི་ཕྱིར།། བང་མཛོད་འཕྲུལ་གྱི་ལྡེའུ་མིག་ཅེས་བྱ་བར་ཟུང
iiif viewer powered by OpenSeadragon
