| e-texts navigator |
| Wylie |
346a1 འདྲ།། ཤེས་རབ་ཆེན་པོས་མ་ཟིན་ན།། བསགས་ཀྱང་སྒྲིབ་པ་ཉིད་དུ་འགྱུར།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། བསོད་ནམས་ཚོགས་བསག་པ་ལ་རག་མ་ལུས་པར་བསྟན
346a2 པའི་ལེའུ་སྟེ་ང་བདུན་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་ཆེན་ལམ་གྱི་རྣལ་འབྱོར་པ།། ལམ་ལ་བགྲོད་དུ་ཡོད་དམ་མེད།། གསང་བའི་བདག་པོས་གསུངས་པ།། སེམས
346a3 དཔའ་ཆེན་པོ་ཉོན་ཅིག། ཆོས་ཉིད་ནམ་མཁའ་ལྟ་བུ་ལ།། བགྲོད་པས་ཕྱིན་པར་འདོད་པ་ནི།། ཁྱུང་ཆེན་ནམ་མཁའི་མཐའ་འཚོལ་འདྲ།། བགྲོད་པས་འབྲས་བུ་ཐོབ་འདོད་པ།། མདོངས་པས་ནམ་མཁར་བསྙེགས་པ
346a4 འདྲ།། ས་དང་ལམ་ལ་བགྲོད་བྱེད་པ།། བྱ་བྲལ་དོན་དང་མཐུན་པ་མེད།། རང་བཞིན་གནས་པ་ཉིད་ཀྱི་ཕྱིར།། ས་དང་ལམ་ལ་བགྲོད་མི་དགོས།། ཞེས་གསུངས་སོ།། བང་མཛོད་འཕྲུལ་གྱི་ལྡེ་མིག་ལས། ལམ
346a5 བགྲོད་དུ་མེད་པའི་ལེའུ་སྟེ་ང་བརྒྱད་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་ཆེན་སྤྱོད་པའི་རྣལ་འབྱོར་ལ།། སྒྲོ་སྐུར་འདེབས་པ་འབྱུང་སྲིད་ན།། རྒོལ་རྩོད་ཐེ་ཚོམ་མན་ངག
346a6 ནི།། སྨྲ་བའི་མཚོན་ཆ་བསྟན་དུ་གསོལ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། ཐོག་མར་རྩོད་པ་འཆའ་དུས་སུ།། དགོངས་པ་མི་གཉིས་སྤྱི་བོར་བཞག། རྡོ་རྗེ་རིག་པའི་གཏན
iiif viewer powered by OpenSeadragon
