| e-texts navigator |
| Wylie |
345b1 དེ་ལ་ལྡན།། ཅི་བཞིན་པ་ལ་སུས་འཆོས་པ།། དེ་བཞིན་མྱ་ངན་མི་འདའ་སྟེ།། དེ་ནི་འཁོར་བའི་སྙིང་པོར་འགྲུབ།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། བྱང་ཆུབ་སེམས་བཅོས་སུ་མེད་པའི་ལེའུ
345b2 སྟེ་ང་ལྔ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། བླ་མེད་བྱང་ཆུབ་ཆེན་པོ་འདི།། བཙལ་བས་གྲུབ་བམ་མ་བཙལ་འགྲུབ།། གསང་བའི་བདག་པོས་བསྟན་དུ་གསོལ།། གསུངས་པ།།
345b3 སེམས་དཔའ་ཆེན་པོ་ཉོན་ཅིག། བླ་མེད་བྱང་ཆུབ་ཆེན་པོ་འདི།། བཙལ་བས་འགྲུབ་པ་མ་ཡིན་ཏེ།། མ་བཙལ་རྣལ་དུ་བཞག་པས་གྲུབ།། གདོད་ནས་སྙིང་པོ་བྱང་ཆུབ་ལ།། བཙལ་ཀྱང་དབྱིངས་ལས་བསྐྱོད་པ
345b4 མེད།། བཙལ་ན་རྩོལ་བའི་ནད་དུ་འགྱུར།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། བྱང་ཆུབ་སེམས་ལ་བཙལ་དུ་མེད་པའི་ལེའུ་སྟེ་ང་དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག
345b5 པོ་ལགས།། རྫོགས་པ་ཆེན་པོའི་ཆོས་ལུགས་ཀྱིས།། བསོད་ནམས་ཚོགས་ལ་བརྟེན་མི་ངག་འདི་ཡི་བརྟེན།། གསང་བའི་བདག་པོས་བསྟན་དུ་གསོལ།། གསུངས་པ། ཀྱེ་སེམས་དཔའ་ཆེན་པོ་ཉོན་ཅིག། གདོད་ནས
345b6 སྙིང་པོ་བྱང་ཆུབ་ལ།། བསོད་ནམས་ཚོགས་བསག་མི་དགོས་ཏེ།། མ་བསགས་འབྲས་བུ་གཞི་ལ་སྨིན།། དེང་འདིར་བསོད་ནམས་ཚོགས་བསགས་ནས།། ཕྱི་མར་འབྲས་བུ་ཐོབ་འདོད་པ།། བྱེ་མ་ལ་ནི་མར་བཙིར
iiif viewer powered by OpenSeadragon
