| e-texts navigator |
| Wylie |
344b1 རྟོག་མཉམ་པའི་ངོ་བོར་བཞུགས།། ལོངས་སྤྱོད་རྫོགས་སྐུར་བཞུགས་ཙམ་ན།། སྣ་ཚོགས་ཆོས་ལ་ལོངས་སྤྱོད་ཅིང་།། མ་སྤངས་ཡེ་ཤེས་རྒྱན་དུ་བཞུགས།། སྤྲུལ་པའི་སྐུ་རུ་བཞུགས་ཙམ་ན།། གང་ལ་གང་དགོས
344b2 དེར་སྤྲུལ་ནས།། དགོངས་པ་ཕུན་སུམ་ཚོགས་པར་བཞུགས།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཕྱག་རྒྱ་བཞུགས་ཚུལ་གྱི་ལེའུ་སྟེ་ང་གསུམ་པའོ།། །། ཡང་གསོལ་པ། ཀྱེ་ཀྱེ་གསང་བའི
344b3 བདག་པོ་ལགས།། ཆོས་སྐུས་ཁྱབ་པའི་ཁྱབ་ཚུལ་གྱི།། ཁྱད་པར་བྱེ་བྲག་ཅི་ལྟར་ལགས།། གསང་བའི་བདག་པོས་བསྟན་དུ་གསོལ།། གསུངས་པ། སེམས་དཔའ་ཆེན་པོ་ཉོན་ཅིག། ཆོས་སྐུ་ཐིག་ལེ་ཉག་གཅིག
344b4 གིས།། ཡ་ཐ་རྒྱལ་བའི་དཀྱིལ་འཁོར་ནས།། མནར་མེད་དམྱལ་བ་ཡན་ཆད་དུ།། ཏིལ་ལ་མར་གྱིས་ཁྱབ་པ་བཞིན།། ཀུན་ལ་ཁྱབ་པར་གནས་མོད་ཀྱང་།། མི་མཐུན་ཁྱད་པར་ཤིན་ཏུ་ཆེ།། སངས་རྒྱས་དབུས་ན
344b5 བཞུགས་ཙམ་ན།། དྲི་མེད་ཆོས་ཀྱི་སྐུ་རུ་བཞུགས།། མིང་ཡང་ཀུན་གཞི་བྱང་ཆུབ་སེམས།། རྣམ་དག་དེ་བཞིན་གཤེགས་པ་ལ།། ཀུན་གཞི་མིང་ཡང་མི་གྲགས་སོ།། འགྲོ་དྲུག་དབུས་ན་བཞུགས་ཙམ་ན།། དྲིར་བཅས
344b6 ཆོས་ཀྱི་སྐུ་རུ་བཞུགས།། མིང་ཡང་ཀུན་གཞི་བྱང་ཆུབ་སེམས།། ཡོད་ཀྱང་རང་གི་ངོ་མ་ཤེས།། དབུལ་མོའི་ནོར་དང་གྱད་ནོར་འདྲ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཆོས་སྐུའི་ཁྱབ་ཚུལ
iiif viewer powered by OpenSeadragon
