| e-texts navigator |
| Wylie |
343b1 མོ་ལ།། གང་གི་ངོ་བོར་ངེས་མ་ངེས།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ།། སེམས་དཔའ་ཆེན་པོ་ཉོན་ཅིག། མ་རིག་པ་དང་ཡེ་ཤེས་གཉིས།། ཀུན་གཞི་སེམས་ཀྱི་གཞི
343b2 མོ་ལ།། གང་དུ་ངེས་པ་མེད་པ་ལ།། རྐྱེན་གྱིས་སོ་སོར་བསླད་ནས་ནི།། མ་རིག་ཡེ་ཤེས་གཉིས་ཀྱི་ཚུལ།། ཤེས་རབ་ཐབས་སམ་ལུང་དག་ལ།། བརྟེན་ནས་ཡེ་ཤེས་སྐྱེ་བའི་ཚུལ།། ཕྱི་ནང་རྟོགས་པའི་རྐྱེན་བཞི
343b3 དང་།། ཡུལ་དུས་བསྐལ་པ་གསུམ་པོ་ལ།། བརྟེན་ནས་མ་རིག་འབྱུང་བའི་ཚུལ།། ཆོས་ཉིད་རང་གི་ངོ་བོ་ལ།། མ་རིག་ཡེ་ཤེས་གཉིས་སུ་མེད།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། མ་རིག་པ
343b4 དང་ཡེ་ཤེས་གཉིས། ཀུན་གཞི་སེམས་ལ་ངེས་པ་མེད་པར་བསྟན་པའི་ལེའུ་སྟེ་ལྔ་བཅུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྟོགས་པ་ཅན་གྱིས་གང་ཟག་ལ།། མི་རྟོག་ཡེ་ཤེས་འཆར
343b5 མི་འཆར།། གསང་བའི་བདག་པོས་བསྟན་དུ་གསོལ།། གསུངས་པ། ཉོན་ཅིག། ཉི་མ་འོད་ཀྱི་རང་བཞིན་ཡང་།། སྤྲིན་ཚོགས་སྟུག་པོས་བསྒྲིབས་ཙམ་ན།། འཇིག་རྟེན་དག་ཏུ་འོད་མི་གསལ།། མ་ཤར་ཕ་དང་ཅིས
343b6 མ་འདྲ།། རྟོག་པ་སྔ་ཕྱི་གཉིས་བར་ནས།། མི་རྟོག་ཡེ་ཤེས་འཆར་མོད་ཀྱང་།། རྒྱུ་འབྲས་བསམ་རྒུད་དང་ཡེ་ཤེས་ཀྱང་པ་ངོས་མ་ཟིན།། ཉོན་མོངས་སྡུག་བསྔལ་གྲོལ་བ་མེད།། ཅེས་གསུངས་སོ།། བང་མཛོད་འཕྲུལ་གྱི
iiif viewer powered by OpenSeadragon
