| e-texts navigator |
| Wylie |
343a1 ཕྱིར།། དབྱིངས་དང་ཡེ་ཤེས་མི་འཇུག་སྟེ།། ཤེས་བྱ་ཤེས་བྱེད་གཉིས་སུ་མེད།། རྟོག་བྱ་རྟོགས་བྱེད་གཉིས་སུ་མེད།། མཐོང་བྱ་མཐོང་བྱེད་གཉིས་སུ་མེད།། བསྒྲུབ་བྱ་སྒྲུབ་བྱེད་གཉིས་སུ་མེད།། ཐོབ
343a2 བྱ་འཐོབ་བྱེད་གཉིས་སུ་མེད།། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཡེ་ཤེས་ཁྱད་པར་འབྱེད་པའི་ལེའུ་སྟེ་ཞེ་བརྒྱད་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རང
343a3 བྱུང་ཡེ་ཤེས་ཞེས་བགྱི་བ།། རང་བྱུང་ཞེས་ནི་གང་ལ་བགྱི།། རྒྱུ་རྐྱེན་གཞན་གྱིས་མ་བསྐྱེད་པའི།། ཡེ་ཤེས་ཞེས་ནི་གང་ལ་བགྱི།། གསང་བའི་བདག་པོས་བསྟན་དུ་གསོལ།། གསུངས་པ། ཀྱེ་སེམས་དཔའ་ཆེན་པོ
343a4 ཉོན་ཅིག། རང་བྱུང་རྒྱུ་རྐྱེན་མེད་པ་ཡིན།། ཡེ་ཤེས་སྒྲིབ་པ་མེད་པ་ཡིན།། རང་བྱུང་ཡེ་ཤེས་ཆེན་པོ་དེ།། རྒྱུ་རྐྱེན་གཞན་གྱིས་མ་བསྐྱེད་ཅིང་།། རྩོལ་བསྒྲུབ་དག་ལས་མི་འབྱུང་བས།། རང་བྱུང་གཞན་ལ་རག་མ
343a5 ལུས།། ཡུལ་ལས་བྱུང་བའི་ཡེ་ཤེས་དེ།། ཡུལ་ལས་བྱུང་བས་རང་བྱུང་མིན།། ཡུལ་ལ་འཕེལ་འགྲིབ་ཡོད་པའི་ཕྱིར།། ཡེ་ཤེས་དེ་ཡང་གསལ་འགྲིབ་བཅས།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས།།
343a6 རང་བྱུང་ཡེ་ཤེས་ངོས་བཟུང་བའི་ལེའུ་སྟེ་ཞེ་དགུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རང་བྱུང་ཡེ་ཤེས་ཆེན་པོ་དང་།། མ་རིག་པ་ཡི་འཁྲུལ་རྟོག་གཉིས།། ཀུན་གཞི་སེམས་ཀྱི་གཞི
iiif viewer powered by OpenSeadragon
