| e-texts navigator |
| Wylie |
342a1 པའི།། རྣལ་འབྱོར་རྒྱུད་ཀྱི་ཐེག་པས་ནི།། མི་ཚེ་གསུམ་གྱིས་སངས་རྒྱས་ས་ལ་སྦྱོར།། མ་ཧཱ་ཡོ་གའི་ཐེག་པས་ནི།། ཆོ་ག་ལྔ་ནི་རྫོགས་བྱས་ཤིང་།། ཡོ་བྱད་ལྔ་ནི་རྫོགས་བྱས་ནས།། སྔགས་ཀྱི་ཡན་ལག
342a2 ལྔ་རྫོགས་ན།། ཞག་ནི་སུམ་ཅུ་ཕྲག་དྲུག་ན།། ཚེ་ལ་དབང་བའི་དངོས་གྲུབ་ཐོབ།། ལོ་ནི་ཉིས་སྟོང་ལྔ་བརྒྱ་རུ།། ལོངས་སྤྱོད་རྫོགས་པའི་ཚུལ་བཟུང་ནས།། དོ་གཅིག་སངས་རྒྱས་ས་ལ་འགྲོ།། སྐུ་གསུམ་ལྷུན་གྱིས
342a3 གྲུབ་པར་འགྱུར།། ཨ་ནུ་ཡོ་གའི་ཐེག་པ་ནི།། བར་མཆོད་པའི་ཚེ་གཅིག་གིས།། སངས་རྒྱས་ས་ལ་ངེས་པར་འགྲོ།། རྫོགས་ཆེན་ཨ་ཏི་ཡོ་ག་ནི།། རྣལ་འབྱོར་དུས་ལ་མི་ལྟོས་ཏེ།། ཅི་བཞིན་པ་ཡི་ཆོས་ཉིད་ལ།། མ
342a4 བཅོས་པ་ཡི་བློ་བཞག་སྟེ།། ཤེས་པ་སོ་མ་མ་བཅོས་པར།། འབྲས་བུ་རང་བཞག་སྐུ་གསུང་ཐུགས།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཐེག་པའི་འབྲས་བུ་འཐོབ་དུས་བསྟན་པའི་ལེའུ་སྟེ་ཞེ
342a5 དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པ་རིམ་པར་ཕྱེ་བ་ཡི།། འབྲས་བུ་ཐོབ་ཚུལ་ཅི་ལྟར་ལགས།། གསང་བའི་བདག་པོས་གསུངས་པ།། སེམས་དཔའ་ཆེན་པོ་ཉོན
342a6 ཅིག། ཐེག་པ་སོ་སོའི་འབྲས་བུ་ནི།། ལ་ལས་དགྲ་བཅོམ་འབྲས་བུ་ཐོབ།། ལ་ལས་བསེ་རུ་ལྟ་བུར་ཐོབ།། ལ་ལས་སྐུ་གསུམ་ཡེ་ཤེས་བཞི།། ལ་ལས་རིགས་གསུམ་གོ་འཕང་ཐོབ།། ལ་ལས་རིགས་བཞིའི་གོ།
iiif viewer powered by OpenSeadragon
