| e-texts navigator |
| Wylie |
341b1 ལྟ་བ་ལ།། རྣལ་འབྱོར་བློ་ཡིས་རྒྱབ་བརྟེན་འཚལ།། གསལ་ལ་མི་རྟོག་རྣམ་གཉིས་ཀྱིས།། གཡས་གཡོན་གཉིས་ན་གཞོག་སྐོར་འཚལ།། མཚན་མ་སྒྲོ་རུ་མི་གཞུག་འཚལ།། ཉི་རྟ་བུ་ཤི་མ་བཞིན་དུ།། སེམས་ཉིད་ཐུབ
341b2 པར་བཙལ་ཡང་འཚལ།། རྣམ་རྟོག་མཚན་མ་འཕྲོ་སྲིད་ན།། མཁའ་དང་མཁའ་ཡི་སྤྲིན་བཞིན་དུ།། རང་བྱུང་རང་ཞིར་བཞག་ཀྱང་འཚལ།། ཏིང་འཛིན་ལས་སུ་རང་བ་ཡི།། དྲོད་རྟགས་མཚན་མ་བྱུང་ཡང
341b3 འཚལ།། བར་ཆད་ཆོ་འཕྲུལ་བཟློག་པའི་ཕྱིར།། བདུད་ཀྱི་གཅོད་ཡུལ་ཤེས་ཀྱང་འཚལ།། ལྷ་བསྒོམ་སྲོག་ལྡན་ཤུགས་བྱུང་བའི།། དགག་བསྒྲུབ་མེད་པའི་སྤྱོད་པ་འཚལ།། པ་ན་སེ་ཡི་འབྲས་བུ་བཞིན།། འབྲས་བུ
341b4 གཞི་ནས་སྨིན་ཡང་འཚལ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། རྫོགས་ཆེན་ལམ་གྱི་དགོངས་པ་མདོར་བསྡུས་པའི་ལེའུ་སྟེ་ཞེ་ལྔ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ
341b5 ལགས།། ཐེག་པ་རིམ་པར་ཕྱེ་བ་ཡི།། འབྲས་བུ་ཐོབ་དུས་ཅི་ལྟར་ལགས།། གསང་བའི་བདག་པོས་གསུངས་པ། ཀྱེ་ཉོན་ཅིག། དུག་གསུམ་སྤངས་པའི་ཉན་ཐོས་དང་།། མ་རིག་འགེག་པའི་རང་རྒྱལ་དང་།། རྣམ
341b6 རྟོག་སྦྱང་བའི་མདོ་སྡེ་གསུམ།། བསྐལ་པ་གསུམ་གྱིས་སངས་རྒྱས་ས་ལ་སྦྱོར།། ལས་དང་བྱ་བ་གཙོར་བྱེད་པའི།། བྱ་བ་རྒྱུད་ཀྱི་ཐེག་པས་ནི།། མི་ཚེ་བདུན་གྱིས་རིག་འཛིན་སྦྱོར།། ཕྱག་རྒྱ་བཞི་ལ་གཙོར་བསྒྲུབ
iiif viewer powered by OpenSeadragon
