| e-texts navigator |
| Wylie |
341a1 བསྒོམ་པ་བསྒོམ་པ་ཟང་མ་མིན།། གསལ་བའི་ཡེ་ཤེས་ཡེ་ཤེས་ཟང་མ་མིན།། བསྒྲུབ་པའི་འབྲས་བུ་འབྲས་བུ་ཟང་མ་མིན།། ཕྱོགས་སུ་ལྷུང་བའི་བལྟ་བ་བལྟ་བ་ཟང་མ་ཡིན།། ཤུགས་ལས་བྱུང
341a2 བའི་སྤྱོད་པ་སྤྱོད་པ་ཟང་མ་ཡིན།། དམིགས་གཏད་མེད་ན་བསྒོམ་པ་ཟང་མ་ཡིན།། གསལ་འགྲིབ་མེད་ན་ཡེ་ཤེས་ཟང་མ་ཡིན།། ལྷུན་གྱིས་གྲུབ་ན་འབྲས་བུ་ཟང་མ་ཡིན།། ཕྱོགས་ལྷུང་མེད་ན་བལྟ་བ་ཟང་མ
341a3 ཡིན།། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། ཆོས་ཉིད་ཇི་བཞིན་པ་ལ། བློ་ཅི་བཞིན་པ་བཞག་སྟེ། དབང་པོ་རྒྱ་ཡན། རིག་པ་ཁྱབ་གད་ལ། ལུས་སེམས་བཅོས་པ་མེད་པར་གཞག་པར་བྱ།། དབང་པོ་ཡུལ་ལ་ཡན
341a4 པ་བསྡུ་མི་བྱ།། ཡུལ་དང་དབང་པོ་མི་དབྱེ་ལྷུག་པར་བཞག། ཆོས་ཉིད་ངོ་ཡིས་མི་བཟུང་རང་སྣང་ངོ་བོར་བཞག། མ་ཡེངས་མཉམ་པར་བཞག་ཅིང་རྗེས་ཐོབ་རྟ་ལྟར་བཙའ།། ཞེས་གསུངས་སོ།། བང་མཛོད་འཕྲུལ
341a5 ལེལྡེའུ་མིག་ལས། བྱང་ཆུབ་སེམས་ཀྱི་བཞག་ཐབས་བསྟན་པའི་ལེའུ་སྟེ་ཞེ་བཞི་པའོ།། ། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་ཆེན་ལམ་གྱི་དགོངས་པ་གང་།། གསང་བའི་བདག
341a6 པོས་གསུངས་པ། སེམས་དཔའ་ཆེན་པོ་ཉོན་ཅིག། སྔོན་དུ་འགྲོ་བའི་ཆོ་ག་རུ།། ཤེས་རབ་རྣམ་གསུམ་བློ་སྦྱང་འཚལ།། སྤང་བ་མེད་པའི་ཆོས་ཉིད་ལ།། རང་བྱུང་ཡེ་ཤེས་གཞི་བཙལ་འཚལ།། ཕྱོགས་ལྷུང་མེད་པའི
iiif viewer powered by OpenSeadragon
