| e-texts navigator |
| Wylie |
340b1 བྲལ་བར་གནས།། ཐེག་ཆེན་དབུ་མའི་བཞག་ཐབས་ནི།། སྒོ་ལྔ་གསལ་བའི་ཡེ་ཤེས་ལས།། ཡིད་ནི་རྟོག་པ་མེད་པར་གནས།། བྱ་བ་རྒྱུད་ཀྱི་ཐེག་པ་ནི།། ཡན་ལག་བཅུ་གཅིག་ཆོ་ག་ཡིས།། བྱིན་གྱིས་བརླབས་ནས
340b2 ལྷ་རུ་འདོད།། རྣལ་འབྱོར་ཡོ་གའི་ཐེག་པ་ནི།། བྱང་ཆུབ་ལྔ་དང་ཆོ་འཕྲུལ་བཞིས།། ཡོངས་སུ་བརྟགས་ནས་ལྷ་རུ་བསྒོམ།། མ་ཧཱ་ཡོ་གའི་ཐེག་པ་ནི།། ཏིང་འཛིན་གསུམ་དང་བསྙེན་བསྒྲུབ་བཞིས།། རང་རྒྱུད་དག
340b3 པའི་ལྷ་རུ་བསྒོམ།། ཨ་ནུ་ཡོ་གའི་ཐེག་པ་ནི།། སྙིང་པོ་ཙམ་ཞིག་བརྗོད་བྱས་ནས།། མ་བསྐྱེད་པ་ཡི་ལྷ་རུ་བསྒོམ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཐེག་པ་ཐུན་མོང་གི་སེམས་ཀྱི
340b4 བཞག་ཐབས་བསྟན་པའི་ལེའུ་སྟེ་ཞེ་གསུམ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་པ་ཆེན་པོའི་བསྒོམ་གྱི་བཞག་ཐབས་བསྟན་དུ་གསོལ།། གསང་བའི་བདག་པོས་གསུངས
340b5 པས།། སེམས་དཔའ་ཆེན་པོ་ཉོན་ཅིག། རང་ལ་ཡོད་ཀྱིས་གཞན་ལ་བལྟ།། འགྲོ་ས་མེད་ཀྱིས་ཅོག་གི་སྡོད།། ཡེ་ནས་ཡིན་གྱིས་གདོད་མ་རྩོལ།། ཕུག་ན་འདུག་གིས་སྒོར་མ་འབྱུང་།། རང་བྱུང་ཡེ་ཤེས་ཕུག་ནས་སྒོར
340b6 ཕྱུང་བས།། མཚན་མ་སྣ་ཚོགས་ཆོས་དང་ཏུག་གིས་ཕྲད།། དེ་ལ་བརྟགས་ཤིང་དཔྱད་པས་འཁོར་བའི་སྙིང་པོར་གྲུབ།། ཀྱེ་ཀྱེ་སེམས་དཔའ་ཆེན་པོ་ཉོན་ཅིག། བྱས་པའི་སྤྱོད་པ་སྤྱོད་པ་ཟང་མ་ཡིན།། དམིགས་པའི
iiif viewer powered by OpenSeadragon
