| e-texts navigator |
| Wylie |
340a1 དབུ་མའི་སྣང་ཚུལ་ནི།། ཀུན་རྫོབ་དབུ་མའི་ཚུལ་དུ་སྣང་།། རྣམ་རིག་ཙམ་གྱི་སྣང་ཚུལ་ནི།། རང་རང་འཁྲུལ་པའི་ངོ་བོར་སྣང་།། ཉན་ཐོས་རང་རྒྱལ་སྣང་ཚུལ་ནི།། ཀུན་ཀྱང་རྡུལ་གྱི་ཕུང་པོར
340a2 སྣང་།། འགྲོ་དྲུག་སེམས་ཅན་སྣང་ཚུལ་ནི།། སོ་སོའི་ལས་དང་བག་ཆགས་སྣང་།། ཞེས་སོ།། བང་མཛོད་འཕྲུལ་གྱི་ལྡེའུ་མིག་ལས། འཇིག་རྟེན་དང་འཇིག་རྟེན་ལས་འདས་པ་རྣམས་ཀྱི་སྣང་ཚུལ་བསྟན་པའི་ལེའུ་སྟེ།
340a3 ཞེ་གཉིས་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པ་རིམ་པར་ཕྱེ་བ་ནི།། ཏིང་འཛིན་སྒོམ་ཐབས་ཅི་ལྟར་ལགས།། གསང་བའི་བདག་པོས་གསོལ་པ། སེམས་དཔའ་ཆེན་པོ་ཉོན
340a4 ཅིག། ཉན་ཐོས་ཐ་མའི་དམིགས་པ་ནི།། སེམས་ཀྱི་ཆགས་པ་སྤང་བའི་ཕྱིར།། ཀེང་རུས་ལ་སོགས་བསྒོམ་པར་བྱེད།། ཉན་ཐོས་འབྲིང་གི་དམིགས་པ་ནི།། དབུགས་དང་རྩོལ་བ་བགྲང་བར་བྱེད།། ཉན་ཐོས་རབ་ཀྱི
340a5 དམིགས་པ་ནི།། འདུ་ཤེས་མེད་པར་སྙོམས་ཞུགས་ནས།། ཞི་བ་ཕྱོགས་གཅིག་མུ་ལ་གནས།། ཉན་ཐོས་མདོ་སྡེའི་བསྒོམ་པ་ནི།། རང་སེམས་སྣ་རྩེར་གཏད་བྱས་ནས།། མ་ཡེངས་རྟག་ཏུ་གནས་པར་བྱེད།། རང་རྒྱལ
340a6 དག་གི་ཏིང་འཛིན་ནི།། འཁོར་ལོ་སེམས་སུ་བསྡུས་བྱས་ནས།། སེམས་ཉིད་ལ་ནི་གནས་པར་བྱེད།། རྣམ་རིག་ཙམ་གྱི་དམིགས་པ་ནི།། ཤེས་པ་རང་རིག་གསལ་བ་ལ།། གཟུང་འཛིན་རྟོག་སྤྱོད་རྒྱུད་ཆད་པ་ཡིན་རྣམ་པ
iiif viewer powered by OpenSeadragon
