| e-texts navigator |
| Wylie |
33b1 དང་ལོངས་སྤྱོད་རྫོགས་སྐུ་དང་།། སྤྲུལ་པའི་སྐུ་དང་སྟོན་པ་རྣམ་པ་གསུམ།། ཐེག་གཅིག་ཐེག་གཉིས་ཐེག་པ་རྣམ་གསུམ་གྱི།། སྟོན་པ་ཀུན་བྱེད་རྒྱལ་པོ་ང་ཡིས་ཕྱུང་།། ང་ནི་སྟོན་པ་ཀུན་གྱི་འབྱུང་གནས་ཡིན།། ང་ཡི
33b2 རང་བཞིན་རྣམ་པ་གསུམ་ལས་ཕྱུང་།། སྤྲོས་བྲལ་སྐྱེ་མེད་དགའ་བའི་འཁོར་རྣམས་ལ།། ང་ཡི་རང་བཞིན་གཟུང་འཛིན་བྲལ་བ་ལས།། མི་རྟོག་མཉམ་པ་ཉིད་ཀྱི་ཆོས་སྐུ་བྱུང་།། ཆོས་སྐུའི་འཁོར་ནི་ཕྱེ་བ་མེད་པ
33b3 སྟེ།། མ་སྐྱེས་མཉམ་པ་ཉིད་ཀྱི་དོན་བསྟན་པ།། དེ་ནི་ལྷག་མ་མེད་པའི་ཐེག་པར་བཤད།། ང་ཡི་རང་བཞིན་ཀུན་དུ་སྣང་བ་ལ།། འདོད་སྤྱོད་དག་པའི་འཁོར་གྱི་ཚོགས་རྣམས་ལ།། ང་ཡི་ངོ་བོ་ལོངས་སྤྱོད་རྫོགས་པར
33b4 ཕྱུང་།། ངོ་བོ་དེ་ལ་ལྟ་སྤྱོད་རྫོགས་བྱེད་སྟོན།། དེ་ནི་ཐུན་མོང་མིན་པའི་ཐེག་པ་སྟེ།། ང་ཡི་རོལ་པའི་ངོ་བོ་ཕྱུང་བ་ཡིན།། ང་ཡི་རང་བཞིན་ཐུགས་རྗེར་འབྱུང་བ་ལས།། ཇི་ལྟར་འདུལ་བར་སྤྲུལ་ནས་དོན་མཛད
33b5 པའི།། སྤྲུལ་པའི་སྐུ་དང་འཁོར་ཚོགས་རྣམ་བཞི་ལ།། རྒྱུ་འབྲས་འཚམ་པའི་ཐུགས་རྗེ་ཕྱུང་བ་ཡིན།། ཀྱེ་སེམས་དཔའ་ཆེན་པོ།། མདོར་ན་མངོན་དུ་ཕྱུང་བའི་ལུང་ཞེས་པ།། ང་ཡི་རང་བཞིན་འདི་ལྟར་བསྟན་པ
33b6 ལ།། མངོན་དུ་ཕྱུང་བའི་ལུང་ཞེས་བསྟན་པ་ཡིན།། ཀུན་བྱེད་ང་ཡི་རང་བཞིན་གཅིག་པུ་ལ།། སྣང་བའི་ཡུལ་ནི་རྣམ་པ་གསུམ་སྣང་ལ།། དེ་ལས་བྱུང་བའི་ཆོས་ནི་འདི་ལྟ་སྟེ།། སངས་རྒྱས་སེམས་ཅན་སྣང་སྲིད་སྣོད
iiif viewer powered by OpenSeadragon
