| e-texts navigator |
| Wylie |
339b1 དེ།། རྒྱུ་རྐྱེན་གཞན་གྱིས་མ་བསྐྱེད་ཅིང་།། རྩོལ་བསྒྲུབ་དག་གིས་མི་འབྱུང་བས།། རང་བཞིན་ལྷུན་གྱིས་གྲུབ་པ་ཡིན།། དེ་ལ་དགོངས་ནས་སྟོན་པས་ཀྱང་།། ཡེ་སངས་རྒྱས་པར་མིང་དུ་བཏགས།། སེམས་ཉིད་རང
339b2 གི་ངོ་བོ་ལ།། སངས་རྒྱས་དང་ནི་སེམས་ཅན་གཉིས།། གང་དུ་ཡང་ནི་སེམས་མེད་དོ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས།། ལྟ་བའི་དུག་བསྟན་པའི་ལེའུ་སྟེ་བཞི་བཅུ་པའོ།། །། ཡང
339b3 གསོལ་པ། ཀྱེ་ཀྱེ་གསང་བའི་བདག་པོ་ལགས།། དེ་དག་རྫོགས་ཆེན་ལྟ་བ་ནི།། མཐར་ཐུག་མེད་པར་མི་འགྱུར་རམ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། ཐུག་པ་མེད་པའི་མཐའ
339b4 ཡིན་ཏེ།། ཡང་དག་མཐའ་ལ་ཐུག་པ་མེད།། ཐུག་པ་མེད་པ་ཐུག་པའི་མཆོག། ཅེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། རྫོགས་པ་ཆེན་པོའི་ལྟ་བ་མཐར་ཐུག་པའི་ལེའུ་སྟེ་ཞེ་གཅིག
339b5 པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཐེག་པའི་རིམ་པར་ཕྱེ་བ་ནི། དེ་ཡི་སྣང་ཚུལ་ཅི་ལྟར་ལགས།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། རྫོགས
339b6 ཆེན་ཨ་ཏིའི་སྣང་ཚུལ་ནི།། ཅི་སྣང་ཅི་སྲིད་ཐམས་ཅད་ཀུན།། ཀུན་ཏུ་བཟང་པོའི་རོལ་པར་སྣང་།། རང་སྣང་ཡེ་ཤེས་རྒྱན་དུ་སྣང་།། ཐུན་མོང་སྔགས་ཀྱི་སྣང་ཚུལ་ནི།། རང་རང་མཐུན་པའི་ཡེ་ཤེས་སྣང་།། ཐེག་ཆེན
iiif viewer powered by OpenSeadragon
