| e-texts navigator |
| Wylie |
339a1 བལྟ།། ཡེ་སངས་རྒྱས་པ་ལགས་མ་ལགས།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། ཕྱོགས་གཅིག་སྤངས་ནས་ཕྱོགས་གཅིག་བླང་།། ཕྱོགས་མཐུན་ཕྱོགས་ལ་ཟུག་པ
339a2 མེད།། ལྟ་བ་ངན་པའི་མཐའ་ཡིན་པས།། དེ་ལ་བརྟེན་པར་མི་བྱའོ།། ཁྱོད་ལ་སོགས་པའི་འཁོར་རྣམས་ཀྱིས།། བསྲེགས་བཅད་བརྡར་བའི་གསེར་བཞིན་དུ།། ཡོངས་སུ་བརྟགས་ལ་ང་ཡི་བཀའ།། བླང་བར་བྱ་ཡིས
339a3 གུས་ཕྱིར་མིན།། ང་ཡི་བཀའ་འདི་དགོངས་པ་ཅན།། ཡོད་མཐའ་དགྲོལ་ཕྱིར་མེད་ཅེས་བཤད།། མེད་མཐའ་དགྲོལ་ཕྱིར་ཡོད་ཅེས་བཤད།། གཉིས་འཛིན་དགྲོལ་ཕྱིར་ཉག་གཅིག་བཤད།། ཉག་གཅིག་མཐའ
339a4 དགྲོལ་སྤྲོས་བྲལ་བཤད།། སྤྲོས་བྲལ་དགྲོལ་ཕྱིར་བརྗོད་མེད་བཤད།། བརྗོད་མེད་དགྲོལ་ཕྱིར་ཁོང་འབྱམས་བཤད།། ལྟ་བ་འཕྲུལ་གྱི་ཁོང་འབྱམས་ཀྱི།། ཅི་ལྟར་ནམ་མཁའི་མདུང་བསྐོར་བཞིན།། གང་ལྟར་བསྐོར
339a5 ཡང་དོག་པ་མེད།། ཅི་ལྟར་འདམ་གྱི་ཕུར་པ་བཞིན།། གང་ལྟར་བསྐུལ་ཀྱང་བསྒྲལ་དུ་བཏུབ།། པགས་པ་རློན་པའི་མཐའ་བཞིན་དུ།། གང་ལྟར་འཐེན་ཡང་འཐེན་དུ་བཏུབ།། ཅི་ལྟར་སྨོན་པའི་ཚིག་བཞིན་དུ།། གང
339a6 ལྟར་སྨྲ་ཡང་སྨྲ་དབང་ཆེ།། ཅེས་གསུངས་སོ།། གསོལ་པ། འགྲོ་བའི་སེམས་རྒྱུད་གཉིས་མེད་པས།། སེམས་ཀྱིས་སེམས་ལ་བལྟ་རུ་མེད།། བལྟས་ཀྱང་མི་མཐོང་ས་མི་དམིགས།། བྱང་ཆུབ་སེམས་ཀྱི་ཆོས་ཉིད
iiif viewer powered by OpenSeadragon
