| e-texts navigator |
| Wylie |
338b1 བདག་པོ་ལགས།། རྫོགས་ཆེན་གསང་བའི་ངེས་ཚིག་ཅི་ལྟར་ལགས།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། ཅི་ལྟར་ནམ་མཁའི་མཚན་ཉིད་དུ།། སྣང་སྲིད་ཐམས་ཅད་ཤོང་བ
338b2 བཞིན།། སེམས་ཉིད་ཐེག་པ་ཆེན་པོ་འདིར།། ཡོད་པའི་ཆོས་དང་མེད་པའི་ཆོས།། དེ་བཞིན་སྲིད་དང་མི་སྲིད་དང་།། སངས་རྒྱས་སེམས་ཅན་བདེ་སྡུག་བསྔལ།། བཟང་ངན་ཆེ་ཆུང་སྐྱོན་ཡོན་ཏན།། ལྷག་མ་མེད་པར
338b3 ཡོངས་རྫོགས་པས།། དེ་ཕྱིར་དེ་ལ་རྫོགས་ཞེས་བྱ།། རིན་པོ་ཆེ་ཡི་གསེར་གླིང་ན།། ཐམས་ཅད་གསེར་ལས་མེད་པའི་ཕྱིར།། དོར་དུ་རུང་བ་ཡོད་མ་ཡིན།། རྫོགས་པ་ཆེན་པོའི་ཆོས་ཉིད་ལ།། སྤང་བ་གང་ཡང་མེད
338b4 པའི་ཕྱིར།། དོར་དུ་རུང་བ་ཡོད་མ་ཡིན།། ངོས་གཟུང་མེད་པའི་ལྟ་བ་ལ།། བླང་དུ་རུང་བ་ཡོད་མ་ཡིན།། དེས་ན་བླང་དོར་ཡོད་མ་ཡིན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། རྫོགས་པ་ཆེན
338b5 པོའི་ངེས་ཚིག་ལ་གཞི་རྫོགས་པ་ཆེན་པོར་ལྷག་མ་མེད་པར་ལ་བཟླ་བའི་ལེའུ་སྟེ་སོ་དགུ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་ཆེན་སྤྱོད་པའི་རྣལ་འབྱོར་པས།། ཕྱོགས
338b6 ཆ་སྤྱོད་པའི་ལྟ་བ་ལ།། དེ་ལ་བརྟེན་པར་མི་བྱ་ཞེས།། བདེར་གཤེགས་གསང་བའི་བདག་པོ་ཡིས།། ཕྱོགས་ཆ་ཅན་དུ་གསུངས་པ་དེ།། ངེས་དོན་ལགས་སམ་དགོངས་བཤད་ལགས།། སེམས་ཀྱིས་སེམས་ལ་བལྟ་མི
iiif viewer powered by OpenSeadragon
