| e-texts navigator |
| Wylie |
338a1 གའི་ཆེ་བ་ཡིན།། སངས་རྒྱས་མེད་པའི་ཆེ་བ་ནི།། སྒྲོ་སྐུར་བྲལ་བའི་བྱང་ཆུབ་སེམས།། བསམ་བརྗོད་ཀུན་ལས་ཁྱད་པར་འཕགས།། ལ་བཟླ་བ་ཡི་ཆེ་བ་ཡིན།། ཞེས་གསུངས་སོ།། བང་མཛོད་འཕྲུལ
338a2 གྱི་ལྡེའུ་མིག་ལས། ཁྱད་པར་འཕགས་པའི་ལེའུ་སྟེ་སོ་བདུན་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། ཆོས་ཉིད་དོན་གྱི་ངོ་བོ་དེ།། སྟོང་པ་ཡང་དག་ལགས་མ་ལགས།། སྟོང་པ་ཉིད་ཀྱི
338a3 ཁྱད་ཕྱེ་བ།། གསང་བའི་བདག་པོས་བསྟན་དུ་གསོལ།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། ཆོས་ཉིད་དོན་གྱི་ངོ་བོ་དེ།། བློས་བརྟགས་ཆོས་ཀྱིས་སྟོང་པ་ལས།། རང་སྣང་ངོ་བོས
338a4 སྟོང་མ་མྱོང་།། ཆོས་ཉིད་རང་གི་ངོ་བོ་ལ།། སྟོང་དང་མི་སྟོང་གཉིས་སུ་མེད།། ཕྱོགས་གཅིག་སྤང་བའི་སྟོང་པ་དང་།། ཕྱོགས་བྲལ་སྟོང་པ་ཆེན་པོ་གཉིས།། སྟོང་པའི་མིང་དུ་འདྲ་མོད་ཀྱང་།། མི་མཐུན་ཁྱད་པར་ཤིན
338a5 ཆེ།། ཕྱོགས་གཅིག་སྤང་བའི་སྟོང་པ་དེ།། ཕྱོགས་གཅིག་ཡིན་ཏེ་ཕྱོགས་གཅིག་མིན།། ཐམས་ཅད་མ་ལུས་ཀུན་ལྡན་པའི།། ཕྱོགས་བྲལ་སྟོང་པ་ཆེན་པོ་ན།། ཀུན་བྲལ་དྲི་མ་སྤངས་པ་དང་།། རྒྱུ་ཆད་ཕྱོགས་ལྷུང
338a6 མེད་པའི་ཕྱིར།། ཅི་ཡང་མིན་ལ་ཅི་ཡང་ཡིན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། སྟོང་པ་ཉིད་ཀྱི་ཁྱད་པར་དབྱེ་བའི་ལེའུ་སྟེ་སོ་བརྒྱད་པའོ།། །། ཡང་གསོལ་པ། ཀྱེ་ཀྱེ་གསང་བའི
iiif viewer powered by OpenSeadragon
