| e-texts navigator |
| Wylie |
337b1 འཁྲུལ་པ་ལོག་པ་དང་།། རང་བྱུང་ཡེ་ཤེས་ཤར་བ་ལ།། སྐད་ཅིག་དུས་ལ་སྔ་ཕྱི་མེད།། རང་བྱུང་ཡེ་ཤེས་ཤར་བ་དང་།། འཁྲུལ་པ་ཆོས་ཉིད་མཐོང་བ་ལ།། སྐད་ཅིག་དུས་ལ་སྔ་ཕྱི་མེད།། ཡེ་ཤེས་མངོན་དུ་གྱུར་པ
337b2 དང་།། འབྲས་བུ་ཆོས་སྐུ་ཐོབ་པ་ལ།། སྐད་ཅིག་དུས་ལ་སྔ་ཕྱི་མེད།། འབྲས་བུ་ཆོས་སྐུ་ཐོབ་པ་དང་།། གཟུགས་སྐུ་རྣམ་གཉིས་འབྱུང་བ་ལ།། སྐད་ཅིག་དུས་ལ་སྔ་ཕྱི་མེད།། བང་མཛོད་འཕྲུལ་གྱི་ལྡེའུ་མིག་ལས།།
337b3 སྐད་ཅིག་མའི་དུས་དང་གཞི་བསྡུ་བའི་ལེའུ་སྟེ་སོ་དྲུག་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་ཆེན་ཨ་ཏི་ཡོ་ག་ནི།། ཆེ་བ་ལྔ་ཡིས་ཁྱད་པར་འཕགས།། དེ་ཡི་འཕགས་ལུགས་ཅི
337b4 ལྟར་ལགས།། གསང་བའི་བདག་པོས་གསུངས་པ། སེམས་དཔའ་ཆེན་པོ་ཉོན་ཅིག། མངོན་པར་སངས་རྒྱས་ཆེ་བ་ནི།། སྤྲོས་པ་མེད་པའི་བྱང་ཆུབ་སེམས།། སྣང་སྲིད་ཀུན་ལས་ཁྱད་པར་འཕགས།། ཨ་ཏི་ཡོ་གའི་ཆེ།
337b5 བར་བཤད།། ཆོས་ཀྱི་དབྱིངས་ལས་ཆེ་བ་ནི།། ཐམས་ཅད་འབྱུང་བའི་བྱང་ཆུབ་སེམས།། འབྱུང་གནས་ཀུན་ལས་ཁྱད་པར་འཕགས།། ཨ་ཏི་ཡོ་གའི་ཆེ་བ་ཡིན།། བདག་ཉིད་སངས་རྒྱས་ཆེ་བ་ནི།། ལྷུན་གྱིས་གྲུབ
337b6 པའི་བྱང་ཆུབ་སེམས།། རྩོལ་བསྒྲུབ་ཀུན་ལས་ཁྱད་པར་འཕགས།། ཨ་ཏི་ཡོ་གའི་ཆེ་བ་ཡིན།། དེ་ཉིད་སངས་རྒྱས་ཆེ་བ་ནི།། མ་ནོར་པ་ཡི་བྱང་ཆུབ་སེམས།། གཏན་ཚིགས་ཀུན་ལས་ཁྱད་པར་འཕགས།། ཨ་ཏི་ཡོ
iiif viewer powered by OpenSeadragon
