| e-texts navigator |
| Wylie |
337a1 པས་རྙེད་པར་མི་འགྱུར་ཏེ།། རི་དྭགས་སྨིག་རྒྱུ་བསྙེག་པ་འདྲ།། དེས་ན་ཤིན་ཏུ་རྣལ་འབྱོར་པས།། རྒྱལ་པོ་བཞིན་དུ་ཙན་ནི་སྡོད།། བང་མཛོད་འཕྲུལ་གྱི་ལྡེའུ་མིག་ལས། སྤྱོད་པ་བླ་ན་མེད་པའི་ལེའུ་སྟེ
337a2 སོ་ལྔ་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། སྐད་ཅིག་དུས་ཀྱིས་གང་རྣམས་བསྡུ།། དངོས་པོ་གཞི་ཡིས་གང་རྣམས་བསྡུ།། གསང་བའི་བདག་པོས་གསུངས་པ། སེམས་དཔའ་ཆེན་པོ
337a3 ཉོན་ཅིག། ཆོས་རྣམས་མཚན་མར་སྣང་བ་དང་།། ཆོས་ཉིད་དོན་གྱི་ངོ་བོ་ལ།། དངོས་པོ་གཞི་ལ་ཐ་དད་མེད།། དུས་གསུམ་བཞུགས་པའི་སངས་རྒྱས་དང་།། ཁམས་གསུམ་འཁོར་བའི་སེམས་ཅན་རྣམས།། གཞི
337a4 ལ་ཐ་དད་བྱེ་བྲག་མེད།། མ་རིག་པ་ཡི་འཁྲུལ་པ་དང་།། རང་བྱུང་ཡེ་ཤེས་ཆེན་པོ་གཉིས།། གཞི་ལ་ཐ་དད་བྱེ་བྲག་མེད།། ཁམས་གསུམ་རྒྱུད་དྲུག་སྡུག་བསྔལ་དང་།། དུས་གསུམ་སངས་རྒྱས་བདེ་བ
337a5 གཉིས།། སེམས་ཀྱི་གཞི་ལ་ཐ་དད་མེད།། ཆོས་ཅན་མཚན་མའི་ཀུན་རྫོབ་དང་།། དོན་དམ་མཚན་མ་མེད་པ་གཉིས།། ཆོས་ཉིད་གཞི་ལ་ཐ་དད་མེད།། ཅེས་དང་། སེམས་དཔའ་ཆེན་པོ་ཉོན་ཅིག། རང་སེམས
337a6 རྟོགས་པས་སྤྱོད་པ་དང་།། མ་རིག་འཁྲུལ་པ་བྱུང་བ་ལ།། དུས་ལ་སྐད་ཅིག་བྱེ་བྲག་མེད།། མ་རིག་འཁྲུལ་པ་འབྱུང་བ་དང་།། ཁམས་གསུམ་འཁོར་བ་བླངས་པ་གཉིས།། སྐད་ཅིག་དུས་ལ་སྔ་ཕྱི་མེད།། མ་རིག
iiif viewer powered by OpenSeadragon
