| e-texts navigator |
| Wylie |
336b1 ཏུ་རྣལ་འབྱོར་སྤྱོད་པ་ཡིན།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག་ལས། ཤིན་ཏུ་རྣལ་འབྱོར་གྱི་སྤྱོད་པ་བསྟན་པའི་ལེའུ་སྟེ་སོ་བཞི་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ
336b2 ལགས།། རྫོགས་ཆེན་སྤྱོད་པའི་རྣལ་འབྱོར་པས།། བླ་མེད་བྱང་ཆུབ་ཆེན་པོ་འདི།། བཅོས་པས་གྲུབ་བམ་མ་བཅོས་གྲུབ།། བཙལ་བས་གྲུབ་བམ་མ་བཙལ་གྲུབ།། བསོད་ནམས་ཚོགས་ལ་བརྟེན་མི་བརྟེན།། སྒྲིབ
336b3 སྦྱང་དྲི་མ་བཀྲུ་མི་བཀྲུ།། ལམ་ལ་བགྲོད་པས་ཕྱིན་མི་ཕྱིན།། འདོད་པས་འགྲུབ་བམ་མི་འདོད་འགྲུབ།། གསང་བའི་བདག་པོས་བསྟན་དུ་གསོལ།། སེམས་དཔའ་ཆེན་པོ་ཉོན་ཅིག། བླ་མེད་བྱང་ཆུབ་ཆེན་པོ
336b4 དེ།། བཅོས་པས་གྲུབ་པ་མ་ཡིན་ཏེ།། མ་བཅོས་རྣལ་དུ་བཞག་པས་འགྲུབ།། དེ་ལ་གང་ཞིག་འཆོས་བྱེད་པ།། མི་ཤེས་སྨིག་རྒྱུ་འཆོས་པ་འདྲ།། བཙལ་པས་གྲུབ་པ་མ་ཡིན་ཏེ།། མ་བཙལ་མཉམ་པར་བཞག་པས
336b5 གྲུབ།། དེ་ལ་གང་ཞིག་རྩོལ་བྱེད་པ།། མདོངས་པས་ནམ་མཁའ་བསླབ་པ་འདྲ།། བསོད་ནམས་ཚོགས་བསག་མི་དགོས་ཏེ།། གང་ཞིག་བསོད་ནམས་ཚོགས་གསོག་པ།། བྱིས་པས་རྩེད་མོ་བྱེད་པ་འདྲ།། སྦྱངས་པས
336b6 འབྱོངས་པར་མི་འགྱུར་ཏེ།། སོལ་བ་བྱི་དོར་བྱེད་པ་འདྲ།། བཀྲུས་པས་དག་པར་མི་འགྱུར་ཏེ།། དྲི་ཆུས་ལག་པ་བཀྲུ་བ་འདྲ།། བགྲོད་པས་ཕྱིན་པར་མི་འགྱུར་ཏེ།། ཁྱུང་ཆེན་ནམ་མཁའི་མཐའ་འཚོལ་འདྲ།། འདོད
iiif viewer powered by OpenSeadragon
