| e-texts navigator |
| Wylie |
335b1 གསོལ་པ། ཀྱེ་ཀྱེ་གསང་བའི་བདག་པོ་ལགས།། ཚོགས་བསགས་འབྲས་བུ་མ་ལགས་པ།། ཁྱད་པར་སྐུ་གཅིག་ཡོད་དམ་མེད།། གསང་བའི་བདག་པོས་བསྟན་དུ་གསོལ།། གསུངས་པ། སེམས་དཔའ་ཆེན་པོ་ཉོན
335b2 ཅིག། སངས་རྒྱས་ཀུན་གྱི་མེས་ཆེན་པོ།། མཚོན་ཅིང་ངོས་གཟུང་མེད་པ་གཅིག། དུས་གསུམ་འདུས་མ་བྱས་པ་རུ།། རྒྱུ་དང་རྐྱེན་གྱིས་མ་བསྐྱེད་པར།། ཆོས་རྣམས་ཀུན་གྱི་སྙིང་པོ་རུ།། རང་བཞིན་ལྷུན་གྱིས་གྲུབ
335b3 ནས་བཞུགས།། རྣམ་པ་ཀུན་ལྡན་རྣམ་པ་མེད།། དག་དང་མ་དག་རྣམ་པ་ཅན།། ཡོད་ཀྱང་རང་གིས་རང་མ་མཐོང་།། སྐྱེས་བུའི་ལུས་དང་བྱད་འགྲོགས་འདྲ།། ཞེས་གསུངས་སོ།། བང་མཛོད་འཕྲུལ་གྱི་ལྡེའུ་མིག
335b4 ལས། རྫོགས་པ་ཆེན་པོའི་ཁྱད་པར་གྱི་སྐུ་བསྟན་པའི་ལེའུ་སྟེ་སོ་གཉིས་པའོ།། །། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། རྫོགས་ཆེན་སྤྱོད་པའི་རྣལ་འབྱོར་པ།། ཅི་བཞིན་པ་ཡི་ཆོས་ཉིད
335b5 ལ།། མ་བཅོས་རྣལ་དུ་བཞག་པ་དེར།། འོག་མའི་རྩོལ་བསྒྲུབ་འདུས་མ་བྱས།། གསང་བའི་བདག་པོས་བསྟན་དུ་གསོལ།། གསུངས་པ། ཉོན་ཅིག། མ་བཅོས་རྣལ་དུ་བཞག་པ་དེ།། ཐེག་དམན་རྩོལ་བསྒྲུབ་ཀུན
335b6 འདུས་ཏེ།། འོག་མའི་བྱང་ཆུབ་དེ་ལ་རྫོགས།། ལེགས་པར་བསྔོ་བའི་སྨོན་ལམ་ཀུན་ཀྱང་དེ་ལ་རྫོགས།། ཉེས་པ་བཤགས་པའི་འགྱོད་པ་ཀུན་ཀྱང་རྫོགས།། འཕགས་པ་མཉེས་པའི་ཕྱི་ནང་མཆོད་པ་རྫོགས།། སྡོམ
iiif viewer powered by OpenSeadragon
